Gerðir kirkjuþings - 2021, Page 48

48 49
4. mál 2021-2022
Flutt af biskupi Íslands
Þingsályktun um heildarstefnu þjóðkirkjunnar.
Kirkjuþing 2021-2022 samþykkir eftirfarandi heildarstefnu þjóðkirkjunnar:
Þjóðkirkjan
Heildarstefna
Hlutverk
Þjóðkirkjan vill vera salt og ljós íslensks samfélags með því að vera trúarlegur og félagslegur
vettvangur opinn öllum. Grunnstef í boðun þjóðkirkjunnar er fagnaðarerindið um Jesú
Krist.
Framtíðarsýn
Að þjóðkirkjan sé ávallt þekkt af verkum sínum sem lifandi samfélag kristins fólks með
heilnæma lífssýn og leiðandi afl til andlegrar velferðar íslensku þjóðarinnar á grundvelli
kristinnar trúar og siðaboðskapar.
Grunnstoðir í stefnu
Tilteknar grunnstoðir í stefnu eru forsenda þess að þjóðkirkjan geti á hverjum tíma
rækt hlutverk sitt með fullnægjandi hætti og starfað út frá fyrirliggjandi framtíðarsýn og
meginmarkmiðum:
• Samfélagsleg grunnstoð sem birtist í því að þjóðkirkjan er virkur þátttakandi
í samfélaginu, leiðandi afl til andlegrar velferðar á grundvelli kristinnar trúar,
lýðræðis og jafnréttis, og sýnileg með ímynd trausts og ábyrgðar.
• Opinn og aðlaðandi vettvangur sem grundvallast á því að þjóðkirkjan sé trúarlegt
og félagslegt samfélag fyrir allt fólk, veiti mikilvæga kærleiksþjónustu sem nýtur
virðingar og trausts og einkennist af umburðarlyndi og víðsýni.
• Öflugt starf á öllum sviðum sem einkennist af lýðræði, jafnrétti, valdeflingu og ábyrgð
út frá skýrum markmiðum, skilvirkri og viðeigandi þjónustu við safnaðarstarf og
stöðugri þróun í takt við breytingar í íslensku samfélagi.
• Traustir innviðir sem eru grundvöllur starfsemi og þjónustu og byggja á einfaldri
og skilvirkri stjórnsýslu, traustum rekstri og fjárhag og mannauði sem nýtir
möguleika sína til fulls í hvetjandi og lýðræðislegu starfsumhverfi þar sem jafnrétti
er í hávegum haft.
Þessum grunnstoðum tengjast tilteknir árangursþættir sem fram koma í stefnuramma og
kirkjuþing og stjórnendur miðlægrar starfsemi vakta reglulega á hverjum tíma. Markmið
verða skilgreind á grundvelli stefnunnar og lögð fyrir kirkjuþing ásamt áætlun um
stefnuáherslur á hverju ári.