Gerðir kirkjuþings - 2021, Side 66

66 67
Kjörstjórn sendir þeim sem eiga kosningarrétt nauðsynleg kjörgögn rafrænt:
Kjörstjórn ákveður nánari framkvæmd kosninganna, en þjóðkirkjan skal sjá til þess
að aðgangur sé tryggður að öruggu kosningakerfi. Tryggt skal að kosningakerfi það sem
notað er sé þannig úr garði gert að ekki sé hægt að breyta atkvæði án þess að það sé
greinanlegt. Óheimilt er að kanna hvernig kjósandi greiddi atkvæði í kosningakerfinu.
Við atkvæðagreiðslu skal kjósandi nota almenna innskráningarþjónustu sem kjörstjórn
ákveður, s.s. rafræn skilríki eða Íslykil Þjóðskrár Íslands og skal kjósandi auðkenna sig á
fullnægjandi hátt áður en hann greiðir atkvæði.
Kjörstjórn auglýsir á vefsvæði þjóðkirkjunnar og á öðrum fréttamiðlum hvenær kosning
hefst og hvenær henni lýkur. Auglýsing skal birt a.m.k. viku áður en kosning hefst.
Atkvæðagreiðsla skal standa yfir í fimm sólarhringa samfellt.
Allar upplýsingar um undirbúning og framkvæmd kosninga skulu vera aðgengilegar á
vefsvæði þjóðkirkjunnar, á rekstrarskrifstofu þjóðkirkjunnar og hjá próföstum.
Kjósandi greiðir atkvæði á þann hátt að hann merkir við nafn þess frambjóðanda sem
hann kýs. Geri hann það ekki, er atkvæði hans ógilt. Sama gildir um autt atkvæði.
16. gr.
Afkóðun og talning atkvæða og niðurstöður kosninga.
Talning atkvæða skal hefjast innan sólarhrings frá lokum kosningar. Áður en talning
hefst skulu atkvæðin afkóðuð.
Kjörstjórn skal gefa þeim sem eru í kjöri kost á að hafa umboðsmenn sína viðstadda
talninguna.
Aðgengi að dulkóðun kosningakerfisins skal stýrt með tvískiptu leyniorði. Fulltrúi
kjörstjórnar og fulltrúi forsætisnefndar kirkjuþings búa til og varðveita hvor sinn helming
leyniorðsins meðan kosning varir.
Áður en talning hefst koma fulltrúarnir hinu tvískipta leyniorði fyrir í afkóðunarhluta
kosningakerfisins.
Sá er réttkjörinn biskup Íslands eða vígslubiskup sem fær meiri hluta greiddra atkvæða.
Ef enginn frambjóðandi fær meiri hluta greiddra atkvæða skal kosið á nýjan leik milli
þeirra tveggja sem flest atkvæði fengu. Ef fleiri en tveir fá jafnmörg atkvæði skal hlutkesti
ráða um hverja tvo skuli kosið. Sá er réttkjörinn biskup Íslands eða vígslubiskup sem fær
meiri hluta greiddra atkvæða. Verði atkvæði jöfn skal hlutkesti ráða.

17. gr.
Kærur til yfirkjörstjórnar.
Yfirkjörstjórn þjóðkirkjunnar, sbr. starfsreglur um kjör til kirkjuþings, fer með
endanlegt úrskurðarvald í ágreiningsmálum vegna kosninga samkvæmt starfsreglum
þessum. Kosningu geta þeir kært sem eiga kosningarrétt.
Kærur vegna kosninga skulu hafa borist kjörstjórn eigi síðar en þremur dögum eftir
að atkvæði hafa verið talin. Beri síðasta dag kærufrests upp á frídag skal næsti virki dagur
teljast síðasti dagur kærufrests.
Kærur skulu hafa borist kjörstjórn með sannanlegum hætti fyrir kl. 16.00 á síðasta degi