Gerðir kirkjuþings - 2021, Qupperneq 69

69
standa og fram hefur komið á þinginu og hljóðupptaka ber með sér. Engar efnisbreytingar
má gera nema leiðrétta þurfi auðsæjar og sannanlegar villur sem telst sjálfsögð leiðrétting.
Óski aukinn meiri hluti þingfulltrúa, þ.e. 2/3 hlutar, eftir því, meðan á kjörtímabili
stendur, að kosið verði að nýju til forseta kirkjuþings skulu kosningar til þingforseta fara
fram.
Framkvæmdanefnd kirkjuþings.
4. gr.
Kirkjuþing kýs þrjá fulltrúa og þrjá til vara í framkvæmdanefnd kirkjuþings til eins árs
í senn. Skal nefndin kjörin á haustfundi kirkjuþings. Nefndin starfar í umboði þingsins,
sem setur nefndinni erindisbréf. Tveir fulltrúar skulu koma úr hópi leikmanna og einn úr
hópi vígðra; sama gildir um varamenn.
Nefndin hefur eftirlit með fjárhag og rekstri þjóðkirkjunnar og að ákvörðunum og
áætlunum samþykktum af kirkjuþingi sé fylgt eftir.
Aðsetur kirkjuþings.
5. gr.
Kirkjuþing hefur aðsetur á rekstrarstofu þjóðkirkjunnar. Rekstrarstofa veitir forseta
þingsins og kirkjuþingsfulltrúum alla nauðsynlega þjónustu og þá aðstoð sem þörf krefur.
Forseti, í samráði við framkvæmdastjóra rekstrarstofu, ræður starfsfólk kirkjuþings í
samræmi við gildandi fjárheimildir hverju sinni.
Þingfararkaup, ferða- og dvalarkostnaður.
6. gr.
Kirkjuþingsfulltrúar og aðrir sem seturétt eiga á þinginu fá þingfararkaup fyrir hvern
dag sem þingið situr.
Ef varamaður er kvaddur til skal hann fá þingfararkaup fyrir hvern dag sem hann situr
kirkjuþing en greiðsla til aðalmanns fellur brott sama tíma.
Þóknananefnd ákveður laun kirkjuþingsfulltrúa.
7. gr.
Kirkjuþingsfulltrúar sem eiga lengri leið til og frá þingstað en 50 km fá greiddan
akstur fram og til baka eða leigubílakostnað eða flugfargjald eftir því hver ferðamátinn er
hagkvæmari.
Forsætisnefnd kirkjuþings sker úr ágreiningi sem upp kann að koma um þetta efni.
8. gr
Kirkjuþingsfulltrúar fá greidda hálfa fæðispeninga, ef ekki er boðið upp á kvöldverð á
kirkjuþinginu. Enn fremur fá þingfulltrúar greidda hálfa fæðispeninga vegna aksturs til og
frá þingstað vari akstur þingsmanns lengur en sex klukkustundir.
Kirkjuþingsfulltrúar fá greiddan sanngjarnan gistikostnað, þar sem það á við.