Gerðir kirkjuþings - 2021, Blaðsíða 71

71
11. mál 2021-2022
Flutt af forsætisnefnd

Starfsreglur um þingsköp kirkjuþings.

I. KAFLI.
Þingfundir.
1. gr.
Forseti kirkjuþings boðar kirkjuþing árlega saman til fundar á haustmánuðum með
eigi skemmri fyrirvara en eins mánaðar.
Kirkjuþing starfar allt að tveimur vikum í senn. Heimilt er að gera allt að sex mánaða
hlé á þingfundum milli umræðna eða áður en síðari umræðu um þingmál lýkur.
Óski þriðjungur kjörinna kirkjuþingsfulltrúa eftir er forseta skylt að kalla aukakirkjuþing
saman án ástæðulausrar tafar. Þá er forseta heimilt að boða til aukakirkjuþings þegar
brýna nauðsyn ber til.
II. KAFLI
Sérstakt hæfi fulltrúa á kirkjuþingi.
2. gr.
Hæfisreglur þessar taka til allra sem sitja á kirkjuþingi og skiptir þá ekki máli hvort þeir
eiga atkvæðisrétt eða hafa málfrelsi.
3. gr.
Hver sá sem situr á kirkjuþingi má hvorki taka þátt í umfjöllun né atkvæðagreiðslu um
mál sem varðar hann sérstaklega persónulega eða fjárhagslega.
Mál telst varða sérstaka fjárhagslega hagsmuni þingfulltrúa sem eru vígðir þjónar þegar
fjallað er um setningu reglna um starfskostnað vegna prestsstarfa eða gjaldskrá vegna
prestsþjónustu. Hið sama gildir um þá þingfulltrúa sem eru prestar og sitja á prestssetri
þegar fjallað er um það hvar prestssetur skulu lögð til og hvar þau skulu lögð niður, um
leigugjöld prestssetra svo og hlunnindi og önnur fjárhagsleg réttindi er varðar slíkar eignir
kirkjunnar. Þegar fjallað er um skipulagsbreytingar í tilteknu prófastsdæmi sem áhrif hafa
á sérstaka hagsmuni presta, s.s. ákvörðun um hámarksfjölda starfandi presta, eru starfandi
prestar í því prófastsdæmi vanhæfir sem þingfulltrúar til að taka þátt í meðferð málsins.
Hið sama gildir um djákna sem þar starfa.
Það varðar einnig vanhæfi ef þingfulltrúi
a. er fyrirsvarsmaður eða umboðsmaður aðila sem á þeirra hagsmuna að gæta sem um
getur í 1. mgr.,
b. er eða hefur verið maki aðila, skyldur eða mægður aðila í beinan legg eða að öðrum
lið til hliðar eða tengdur aðila með sama hætti vegna ættleiðingar manns sem á
þeirra hagsmuna að gæta sem um getur í 1. mgr.,
c. ef mál varðar sérstaklega persónulega eða fjárhagslega hagsmuni næsta yfirmann
hans,