Gerðir kirkjuþings - 2021, Síða 72

72 73
d. ef að öðru leyti eru fyrir hendi þær aðstæður sem eru fallnar til þess að draga
óhlutdrægni hans í efa með réttu.
Eigi er þó um vanhæfi að ræða ef þeir hagsmunir, sem málið snýst um, eru það
smávægilegir eða eðli málsins er með þeim hætti að hvorki er talin hætta á að ómálefnaleg
sjónarmið hafi áhrif á umfjöllun né atkvæðagreiðslu.
Það leiðir ekki til vanhæfis til afgreiðslu máls þegar mál varðar almenna þjóðkirkjulega
hagsmuni þegar þeir sem skráðir eru í þjóðkirkjuna verða taldir eiga svipaðra hagsmuna
að gæta.
Þegar kirkjuþing velur fulltrúa úr sínum röðum í nefndir eða störf á vegum þingsins
eru þeir fulltrúar ekki vanhæfir sem boðið hafa sig fram eða stungið hefur verð upp á
við það kjör. Þessi undantekning á þó ekki við um kjör í kjaranefnd þjóðkirkjunnar. Þeir
þingfulltrúar, sem eru félagsmenn þeirra stéttarfélaga sem nefndin kemur fram sem
viðsemjandi við, skulu víkja sæti við meðferð máls og kjör í þá nefnd.

4. gr.
Forseti kirkjuþings gætir þess að fulltrúi eða fulltrúar sem kunna að vera vænhæfir til
meðferðar tiltekins þingmáls víki sæti.
Fulltrúi á kirkjuþingi skal án tafar vekja athygli þingforseta á ástæðum sem kunna að
valda vanhæfi hans til umfjöllunar og atkvæðagreiðslu um tiltekinn dagskrárlið þingsins
skv. reglum þessum.
Rísi ágreiningur um túlkun þessara reglna sker forseti þingsins úr.
5. gr.
Kirkjuþingsfulltrúi sem er vanhæfur til meðferðar máls má ekki taka þátt í undirbúningi,
meðferð eða atkvæðagreiðslu um það. Hann skal víkja úr fundarsal og má ekki hafa frekari
afskipti af málinu á þinginu eða við störf nefnda þess sem þingfulltrúi. Þegar afgreiðslu
málsins er lokið skal þingfulltrúinn kallaður inn á þingið aftur til að taka þátt í umfjöllun
og afgreiðslu annarra mála.
6. gr.
Kirkjuþing er ályktunarhæft við afgreiðslu máls óháð þeim fjölda fulltrúa sem eftir eru
þegar vanhæfir þingfulltrúar hafa vikið sæti.
III. KAFLI
Störf nýkjörins kirkjuþings.
7. gr.
Forseti kirkjuþings er kjörinn úr röðum leikmanna til fjögurra ára í senn á fyrsta
kirkjuþingi að afloknum kirkjuþingskosningum. Fráfarandi forseti stýrir forsetakjöri og
gegnir að öðru leyti forsetastörfum þar til nýr forseti hefur verið kjörinn. Njóti fráfarandi
forseta ekki við kemur varaforseti í hans stað.