Gerðir kirkjuþings - 2021, Blaðsíða 79

79
33. gr.
Við fyrri eða síðari umræðu er heimilt að bera fram tillögu um frávísun máls. Hún
kemur til afgreiðslu við lok umræðunnar.
Í umræðum má leggja fram rökstudda dagskrártillögu þess efnis að umræðu um
fyrirliggjandi mál skuli lokið og fyrir tekið næsta mál á dagskrá. Skulu atkvæði þá greidd
um hana án frekari umræðna.
Flutningsmaður máls getur dregið mál til baka allt til þess að það er komið til endanlegrar
atkvæðagreiðslu. Dragi flutningsmaður mál til baka getur annar kirkjuþingsfulltrúi
eða sá sem situr á þinginu með málfrelsi og tillögurétt tekið það upp á því stigi og gerst
flutningsmaður málsins.
34. gr.
Kjörnir þingskrifarar halda gerðabók undir umsjón forseta. Þar skal geta framlagðra
og fyrirtekinna mála ásamt meginatriða umræðna og úrslita mála. Heimilt er að ráða
sérstakan ritara sem annast færslu fundargerða á ábyrgð hinna kjörnu þingskrifara.
Fundargerð skal liggja frammi í upphafi fundar og geta kirkjuþingsfulltrúar gert
athugasemdir við þingskrifara til næsta fundar. Þá verður fundargerð undirrituð af forseta
og skrifurum. Hljóðrita skal umræður á kirkjuþingi og varðveita upptökur.
35. gr.
Fundir kirkjuþings fara fram í heyranda hljóði nema þingið ákveði annað.
VII. KAFLI
Atkvæðagreiðsla.
36. gr.
Atkvæðisrétt á kirkjuþingi hafa kjörnir kirkjuþingsfulltrúar einir. Afl atkvæða ræður
úrslitum mála. Starfi kirkjuþing með notkun fjarfundarbúnaðar fara atkvæðagreiðslur
fram með handauppréttingu eða rafrænum hætti. Afgreiðsla mála er því aðeins gild að
2/3 hlutar kirkjuþingsfulltrúa séu á fundi.
37. gr.
Við lok fyrri umræðu um þingmál skulu atkvæði greidd um það hvort málinu verði
vísað til síðari umræðu. Hljóti það ekki samþykki telst málið fellt. Ef samþykkt er að vísa
máli til síðari umræðu skulu atkvæði greidd um það hvaða fastanefnd kirkjuþings fái það
til umfjöllunar. Framsögumaður máls flytur tillögu um vísun til nefndar en hljóti hún ekki
brautargengi leitar forseti annarra tillagna.
Við lok síðari umræðu eru atkvæði greidd um endanlega afgreiðslu máls. Heimilt er að
fresta afgreiðslu máls úr þingnefnd og seinni umræðu til næsta kirkjuþings á eftir.
Allar tillögur um málsmeðferð og úrslit mála skulu vera skriflegar.
38. gr.
Atkvæðagreiðsla fer fram með handauppréttingu. Skylt er að viðhafa nafnakall