Gerðir kirkjuþings - 2021, Page 92

92 93
Aðalsafnaðarfundur er vettvangur starfsskila og reikningsskila af hendi sóknarnefndar
og einstakra nefnda innan sóknarinnar.
Aðalsafnaðarfundur fer með ákvörðunarvald innan sóknarinnar í málum þeim sem
undir fundinn heyra samkvæmt lögum eða lögmæltum ákvörðunum.
Aðra safnaðarfundi skal halda ef meiri hluti sóknarnefndar óskar þess eða einn fjórði
hluti sóknarbarna sem atkvæðisrétt eiga á safnaðarfundum.
Sóknarbörn njóta kosningarréttar og kjörgengis á safnaðarfundum þegar þau eru fullra
sextán ára.
4. gr.
Sóknarnefnd boðar til aðalsafnaðarfundar með minnst viku fyrirvara og skal greina frá
dagskrá fundarins í fundarboði. Sóknarnefnd skal í samráði við starfandi sóknarprest og/
eða starfandi prest boða til aðalsafnaðarfundar sóknarinnar. Fundinn skal auglýsa með
þeim hætti sem venja er til um messuboð.
Þar skal taka fyrir eftirfarandi:
1. Gera grein fyrir starfsemi og rekstri sóknarinnar á liðnu starfsári.
2. Afgreiðslu reikninga sóknar og kirkjugarðs fyrir sl. ár, ásamt fjárhagsáætlun næsta
árs.
3. Gera grein fyrir starfsemi héraðsnefndar og héraðsfundi.
4. Ákvörðun um meiriháttar framkvæmdir og framtíðarskuldbindingar.
5. Kosning tveggja skoðunarmanna eða endurskoðanda sóknar og kirkjugarðs og
varamanna þeirra til árs í senn.
6. Kosning sóknarnefndar, sbr. 6. gr. starfsreglna þessara.
7. Kosning í aðrar nefndir, ráð og trúnaðarstörf.
8. Önnur mál.
IV. KAFLI
Skipun sóknarnefnda.
5. gr.
Í hverri kirkjusókn er sóknarnefnd sem starfar undir forystu sóknarnefndarformanns í
nánu samstarfi við sóknarprest
Aðalsafnaðarfundur kýs sóknarnefndarmenn og varamenn til fjögurra ára í senn.
Sóknarnefnd starfar í umboði safnaðarins og ber ábyrgð gagnvart honum.
Sóknarnefnd starfar á grundvelli laga um Þjóðkirkjuna, starfsreglna og samþykkta
kirkjuþings.
6. gr.
Sóknarnefnd skal skipuð leikmönnum. Leikmaður telst sá sem ekki hefur tekið vígslu
til prests eða djákna.
Sóknarnefndarmenn eru þrír í sóknum þar sem sóknarbörn eru færri en 300, en ella
fimm, þó svo að þegar sóknarbörn eru 1.000 hið fæsta mega sóknarnefndarmenn vera sjö
og níu ef sóknarbörn eru 4.000 eða fleiri, allt miðað við 1. desember næstliðinn.