Gerðir kirkjuþings - 2021, Side 104

104 105
20. mál 2021-2022
Flutt af biskupi Íslands.
Málið var dregið til baka.
Tillaga að starfsreglum um biskupafund.
1. gr.
Biskup Íslands boðar vígslubiskupa til biskupafundar og stýrir honum.
2. gr.
Biskupafundur er haldinn ársfjórðungslega og oftar ef þurfa þykir.
3. gr.
Biskupafundur fjallar um málefni sem starfsreglur, ályktanir og samþykktir kveða á
um varðandi trú og kenningu kirkjunnar, helgisiði og helgihald. Biskupafundur býr mál
er varða trú, kenningu, helgisiði og helgihald í hendur kirkjuþings.
Biskupafundur er haldinn til samráðs um biskupsþjónustuna og upplýsinga um málefni
kirkju og kristni.
4. gr.
Biskupafundur skipuleggur vísitasíur biskups Íslands og vígslubiskupa og gerir
samræmda áætlun um þær.
5. gr.
Biskupafundur endurskoðar skipan sókna, prestakalla og prófastsdæma.
Biskupafundur gerir tillögur um þau efni á grundvelli starfsreglna, þingsályktana
og stefnumörkunar kirkjuþings og býr mál er varða breytingar í þeim efnum í hendur
kirkjuþings.
Biskupafundur fjallar auk þess um allar tillögur um þessi efni sem kunna að berast og
býr þær til flutnings á kirkjuþingi.
6. gr.
Starfsreglur þessar sem settar eru með heimild í 8. gr. laga um þjóðkirkjuna nr. 77/2021
öðlast gildi 1. janúar 2022. Jafnframt falla brott starfsreglur um biskupafund nr. 964/2006
frá sama tíma.