Gerðir kirkjuþings - 2021, Blaðsíða 105

105
21. mál 2020-2021
Flutt af Gísla Jónassyni.
Málið var dregið til baka.
Tillaga að starfsreglum um prófasta.
1. gr.
Biskupsdæmi Íslands skiptist í níu prófastsdæmi:
Suðurprófastsdæmi.
Kjalarnessprófastsdæmi.
Reykjavíkurprófastsdæmi eystra.
Reykjavíkurprófastsdæmi vestra.
Vesturlandsprófastsdæmi.
Vestfjarðaprófastsdæmi.
Húnavatns- og Skagafjarðarprófastsdæmi.
Eyjafjarðar- og Þingeyjarprófastsdæmi.
Austurlandsprófastsdæmi.
2. gr.
Í hverju prófastsdæmi er ráðinn prófastur sem er trúnaðarmaður biskups og ráðgjafi
í kirkjulegum málum og hefur í umboði biskups Íslands tilsjón með kirkjulegu starfi í
prófastsdæminu, embættisfærslum presta, þjónustu presta og djákna og starfi sóknarnefnda.
Hann er ráðgjafi og tilsjónarmaður þessara aðila og hefur aga- og stjórnunarvald í umboði
biskups Íslands.
Heimilt er að ráða prófast til að hafa umsjón með tilteknum þáttum kirkjulegrar
þjónustu óháð mörkum prófastsdæma, svo sem sérþjónustu kirkjunnar. Sé það ekki
gert skal þjónustan heyra undir umsjón Reykjavíkurprófastsdæmis vestra með þeirri
undantekningu, að prestur innflytjenda og þjónusta við alþjóðlega söfnuðinn skal heyra
undir umsjón Reykjavíkur-prófastsdæmis eystra.
Þegar prófastur hefur verið valinn skal biskup sjá um að hann hljóti þjálfun til starfsins,
sem m.a. annars felur í sér kynningu á starfsskyldum prófasts og þeim starfsreglum sem
um þjónustuna gilda. Einnig skal hann fá þjálfun í sálgæslu, samtalstækni, handleiðslu
og sáttamiðlun eftir því sem við getur átt. Prófastur skal njóta reglulegrar handleiðslu
samkvæmt ákvörðun biskups Íslands. Sömuleiðis skal biskup sjá próföstum fyrir
námskeiðum og annarri endurmenntun eftir því sem þurfa þykir.
Biskup setur hverjum prófasti erindisbréf.
3. gr.
Komið skal upp fastri starfsaðstöðu prófasts í hverju prófastsdæmi í samráði við
héraðsnefnd.
Skrifstofa prófasts skal staðsett á þeim stað sem best þykir henta vegna þjónustunnar í
hverju prófastsdæmi í samráði við héraðsnefnd.