Gerðir kirkjuþings - 2021, Qupperneq 140

140 141
36. mál 2021-2022
Flutt af forsætisnefnd
Þingsályktun
um skipan framkvæmdanefndar kirkjuþings og erindisbréf nefndarinnar.
Kirkjuþing 2021-2022 samþykkir að kjósa framkvæmdanefnd skipaða þremur
kirkjuþingsfulltrúum, tvo úr hópi óvígðra og tvo til vara, einn úr hópi vígðra og einn til
vara með sama hætti. Formaður skal kosinn sérstaklega. Umboð nefndarinnar gildir til
næsta reglulegs kirkjuþings 2022.
Kirkjuþing 2021-2022 samþykkir eftirfarandi erindisbréf framkvæmdanefndar
kirkjuþings:
E R I N D I S B R É F
framkvæmdanefndar kirkjuþings.
1. gr.
Framkvæmdanefnd annast, fyrir hönd kirkjuþings, eftirlit með fjárhag og rekstri
Þjóðkirkjunnar og að ákvörðunum og áætlunum samþykktum af kirkjuþingi sé fylgt eftir.
Framkvæmdanefnd starfar að því markmiði að tryggja styrk og velgengni
Þjóðkirkjunnar. Nefndin er ábyrg gagnvart kirkjuþingi og starfar í umboði þess.

2. gr.
Framkvæmdanefnd heldur að jafnaði mánaðarlega fundi.
Framkvæmdanefndin fundar, eftir þörfum með biskupi Íslands, forseta kirkjuþings og/
eða öðrum þeim sem málefni gefa tilefni til.
Nefndin skilar árlega skýrslu til kirkjuþings eftir hvert starfsár nefndarinnar.

3. gr.
Telji framkvæmdanefnd kirkjuþings að fjármál og rekstur Þjóðkirkjunnar samræmist
ekki ákvörðunum og samþykktum kirkjuþings skal nefndin tilkynna það forsætisnefnd
kirkjuþings.
4. gr.
Meiri hluti framkvæmdanefndar kirkjuþings er bær til þess að rita firmað Þjóðkirkjan
og gera bindandi löggerninga. Felst m.a. í því heimild til að rita undir öll skjöl er varða
fasteignir Þjóðkirkjunnar svo sem kaupsamninga, afsöl, leigusamninga, veðleyfi,
skuldabréf og skiptasamninga.
Framkvæmdanefnd getur veitt framkvæmdastjóra rekstrarstofu Þjóðkirkjunnar og
tilteknum starfsmönnum Þjóðkirkjunnar heimild til að rita firmað Þjóðkirkjan.