Gerðir kirkjuþings - 2021, Page 144

144 145
4. gr.
Framkvæmdanefnd kirkjuþings ræður framkvæmdastjóra rekstrarstofu þjóðkirkjunnar,
setur honum starfslýsingu og ákvarðar starfskjör.
Framkvæmdastjóri fylgir eftir lögbundnu hlutverki kirkjuþings að því er varðar
fjárstjórn, stefnumótun í rekstri og áætlanagerð. Hann ábyrgist að rekstrarstofan sinni
skyldum sínum samkvæmt starfsreglum þessum og að gætt sé góðra stjórnarhátta í
hvívetna.
Framkvæmdastjóri ræður starfsfólk rekstrarstofunnar, semur um laun og önnur
starfskjör og setur því starfslýsingar. Heimilt er að semja um þjónustu við biskupsstofu
hvað varðar mannauð vegna starfsfólks rekstrarstofunnar.
5. gr.
Rekstrarstofan og biskupsstofa gera með sér samning um gagnkvæma þjónustu, nánari
útfærslu verkaskipta, reglulega upplýsinga- og samskiptafundi og önnur atriði sem varða
samstarf þeirra, sem og samskipti og þjónustu við kirkjuþing.
Framkvæmdanefnd kirkjuþings setur nánari verkferla og viðmið um einstaka
starfsþætti í starfsemi rekstrarstofunnar.
6. gr.
Framkvæmdanefnd kirkjuþings leggur árlega fram skýrslu á reglulegu kirkjuþingi að
hausti þar sem gerð er grein fyrir störfum nefndarinnar og rekstrarstofunnar. Miða skal
við að sú skýrsla taki hverju sinni til starfsárs nefndarinnar.
7. gr.
Starfsreglur þessar, sem settar eru með heimild í 8. gr. laga um þjóðkirkjuna nr. 77/2021,
öðlast gildi 1. janúar 2022.
Ákvæði til bráðabirgða.
Skýrsla framkvæmdanefndar á reglulegu kirkjuþingi að hausti 2022, sbr. 6. gr.
starfsreglna þessara, skal taka til tímabilsins frá 1. janúar til og með 30. september 2022.