Gerðir kirkjuþings - 2021, Qupperneq 153

153
5. gr.
Prófastur boðar héraðsfund skriflega með hálfs mánaðar fyrirvara og skal í fundarboði
greina frá dagskrá fundar. Fundarboð skal sent öllum sóknarnefndum, prestum og djáknum
í prófastsdæminu, fulltrúum á kirkjuþingi í kjördæminu og fulltrúum prófastsdæmisins á
leikmannastefnu, sbr. starfsreglur um leikmannastefnu. Fundurinn skal einnig auglýstur.
Rétt boðaður fundur er lögmætur.
6. gr.
Dagskrá héraðsfundar:
1. Kosning fundarstjóra og fundarritara.
2. Skýrsla héraðsnefndar um starfsemi liðins árs þar sem m.a. skal getið um
framkvæmd ályktana og samþykkta síðasta héraðsfundar.
3. Ársreikningar héraðssjóðs til samþykktar.
4. Starfsáætlun héraðsnefndar þ.m.t. styrkir og fjárhagsáætlun héraðssjóðs fyrir
næsta almanaksár til samþykktar.
5. Starfsskýrslur sókna, nefnda, héraðsprests og annarra starfsmanna prófastsdæmisins
lagðar fram svo og ársreikningar sókna og kirkjugarða.
6. Mál er varða kirkjuþing, tekin til umfjöllunar og afgreiðslu.
7. Samþykktir prestastefnu og leikmannastefnu kynntar.
8. Ákvörðun um greiðslur til kjörinna héraðsnefndarmanna fyrir störf þeirra á liðnu
ári.
9. Sameiginleg mál sóknarnefnda er varða rekstur og starfsmannahald.
10. Kosningar:
a) Kosning aðalmanna og varamanna til héraðsnefndar, annarra en formanns, til
tveggja ára í senn.
b) Kosning tveggja skoðunarmanna eða endurskoðenda reikninga héraðssjóðs og
tveggja til vara til tveggja ára í senn.
c) Kosning fulltrúa og varamanna þeirra á leikmannastefnu til fjögurra ára í senn,
sbr. starfsreglur um leikmannastefnu.
d) Kosning aðalmanns og varamanns til fulltrúaráðs Hjálparstarfs kirkjunnar til
tveggja ára í senn.
11. Aðrar kosningar eða tilnefningar sem heyra undir héraðsfund.
12. Önnur mál.
7. gr.
Prófastur boðar aukahéraðsfund, ef þurfa þykir. Skylt er að boða slíkan fund, ef
fjórðungur atkvæðisbærra héraðsfundarmanna óskar þess. Ákvæði starfsreglna þessara
eiga við um slíka fundi eins og við getur átt.
Um héraðsnefnd.
8. gr.
Héraðsnefnd fer með stjórn héraðssjóðs. Hún er framkvæmdanefnd héraðsfundar og