Fréttablaðið - 21.03.2023, Side 10

Prinsinn og prinsessan af Wales voru viðstödd hátíðarhöld í tilefni af degi
heilags Patreks í Aldershot á Englandi.
Frumbyggjar á Jövu í Indónesíu hvílast áður en þeir halda berfættir áfram göngu sem er hluti af
athöfn sem nefnist Unggah-unggahan og er haldin til að fagna upphafi hins heilaga föstumán-
aðar ramadan.
Ferðamenn flykkjast til að skoða kirsuberjatré í blóma í Washington í Bandaríkjunum og láta ekki kuldann stoppa sig.
Búist er við að trén nái fullum blóma síðar í þessari viku. FRÉTTABLAÐIÐ/GETTY
Chinook-þyrla Bandaríkjahers á sameiginlegri heræfingu Bandaríkjamanna og Suður-Kóreu-
manna í heimalandi hinna síðarnefndu. Á sunnudag skutu Norður-Kóreumenn skammdrægu
flugskeyti á haf út og sjá sunnanmenn það sem enn eina ögrunina af hálfu nágranna sinna.
Tvö þúsund
voru í hópi
fanga sem
fluttir voru í
miklu átaki
yfirvalda í El
Salvador gegn
skipulagðri
glæpastarfsemi
til gríðarstórs
fangelsis í Teco-
luca, El Salvador.
Frá því Bukele
forseti lýsti yfir
neyðarástandi
hafa um 62
þúsund meintir
meðlimir glæpa-
gengja verið
handteknir.
ástand heimsins |
10 fréttir FRÉTTABLAÐIÐ 21. mARs 2023
ÞriÐJUDAGUr