Skipulagsmál höfuðborgarsvæðisins - 01.04.1984, Blaðsíða 31

SKIPULAGSMÁL HÖFUÐBORGARSVÆÐISINS
Á þessu máli ættu fyrirtæki á eft-
irtöldum sviðum að hafa áhuga:
í rafeindaiðnaði;
hugbúnaðariðnaði;
líftækniiðnaði;
efnaiðnaði;
fínmálmsmíði.
Víða erlendis er algengt að bæjarfé-
lög, í tengslum við stærri verktaka-
fyrirtæki, byggi upp iðngarða, sem
síðan eru leigðir út til rann-
sóknastofnana og iðnaðarfyrirtækja
á hagkvæmu verði.
8. ÞJÓNUSTU- OG RÁÐGJAFA-
FYRIRTÆKI
f vísinda- og tækniiðnaðarhverfi er
nauðsynlegt að hafa fjölmörg þjón-
ustufyrirtæki:
Veitingahús með ráðstefnusali.
Banka.
Pósthús.
Lögfræðiskrifstofu, t.d. með einka-
leyfi og framleiðslusamninga.
Endurskoðunar- og bókhaldsþjón-
ustu.
Tölvuteikniþjónustu.
Sérstök framleiðslufyrirtæki eins og
fyrir rafeindaiðnað, prentrásagerð
og forplötugerð.
Auglýsingaþjónustu, t.d. fyrir
kynningabæklinga á erlendum
tungumálum.
Ferðaskrifstofu.
Flutningsþjónustu fyrir inn- og út-
flutning með tollafgreiðslumögu-
leika.
Fjölritunarþjónustu.
Þá ætti að vera grudvöllur fyrir
ýmis ráðgjafafyrirtæki að hafa skrif-
stofur í slíku hverfi og kemur þá vel
til greina að hafa sérstaka skrifstofu
fyrir sjálfstætt starfandi ráðgjafa,
sérstaklega þá sem stunda kennslu
við Háskólann og Tækniskólann.
Iðnhönnun (Industrial Design),
teiknistofa, rekstrarráðgjöf, mark-
aðsráðgjöf, o.fl., ættu einnig að
vera á svæðinu. Þá er hugsanlegt að
Félag íslenskra iðnrekenda og Ut-
flutningsmiðstöð iðnaðarins vildu
hafa starfsaðstöðu í þessu iðnaðar-
hverfi, svo og Stjórnunarfélagið og
Endurmenntunarnefnd Háskólans.
9. UMHVERFISMÁL
Vandalaust er að skapa fallegt og
gróðursælt umhverfi á Keldnasvæð-
inu. sem gæti verið í tengslum við
Náttúrufræðistofnunina. íþrótta-
vellir, íþróttahús, og sundlaug ættu
að vera á slíku svæði til að örva
starfsfólk og nemendur til lík-
amsræktar.
10. SAMGÖNGUMÁL
Ef Keldnasvæðið verður byggt upp
sem vísinda- og tækniiðnaðar-
hverfi, þá verður að sjálfsögðu að
skipuleggja samgöngur hverfisins
við miðborgina með föstum áætlun-
arferðum og einnig mætti nota
stóra leigubíla sem væru sérstak-
lega ætlaðir fyrir hverfið, og reynt
væri að samnýta til ferða í miðborg-
ina.
11. BOÐMIÐLUNARMÁL
Mikilvægt er að vísinda- og iðnað-
arhverfið verði frá upphafi skipu-
lagt með tilliti til upplýsingatækni
framtíðarinnar eða boðmiðlunar-
tækni, eins og margir vilja nefna
þessa nýju tækni. Þannig að gert
verði ráð fyrir ljósleiðarakerfi og
tölvupósti á rannsóknastofnunun-
um.
12. SKÖPUN HUGMYNDA OG
KRÖFUR UM AÐSTÖÐU OG
SKIPULAGNINGU HVERFISINS
Skipulagsnefnd Keldnasvæðisins
fyrirhugar að efna til sérstakrar ráð-
stefnu í maí 1984, til að fá nýjar og
áhugaverðar hugmyndir um upp-
byggingu svæðisins, svo og kröfur
einstakra aðila sem áhuga hafa á að
flytja að Keldum.
13. SKIPULAGNING
HVERFISINS
Næstkomandi haust verður líklega
mögulegt að hefja nákvæma skipu-
lagningu Keldnasvæðisins og verð-
ur jafnvel efnt til samkeppni um
heildarskipulag þess.
Mikilvægt er að stuðla að sem
greiðustum samskiptum milli
manna og taka þá tillit til verður-
fars hérlendis í því sambandi.
Víðast erlendis er reynt að hafa
vísinda- og tæknigarða sambyggða
eftir megni.
14. FRAMKVÆMD
Það fer eftir áhuga stjórnvalda,
forsvarsmanna Reykjavíkurborgar,
rannsóknastofnana, menntastofn-
ana og atvinnulífsins hve hefja má
framkvæmdir með skömmum fyrir-*
vara og má benda á fjölmörg dæmi
um hraða uppbyggingu slíkra vís-
inda- og tækniiðnaðarhverfa er-
lendis.
15. NIÐURLAGSORÐ
Á tiltölulega skömmum tíma hafa
Islendingar byggt upp þróað þjóð-
félag með allgott menntunar- og
heilbrigðiskerfi. Til að þau lífskjör
sem teljast með þeim bestu sem til
þekkjast megi haldast, þá er al-
mennur áhugi á að efla iðnaðar-
greinar framtíðarinnar.
Aukinn áhugi ungs fólks á háskóla-
námi og fjöldi velmenntaðra sér-
fræðinga sem snúið hafa aftur til
Islands erlendis frá að námi loknu,
ásamt aukinni reynslu okkar á sviði
stjórnunar, vöruþróunar og alþjóð-
legra viðskipta gefur möguleika á
að efla nokkuð hratt háþróaðan
iðnað.
Erlendis hefur það sýnt sig, að vís-
inda- og tækniiðngarðar í tengslum
við menntastofnanir efla mjög há-
þróaðan iðnað. Það er því fyllsta
ástæða til að kanna vandlega hvort
stjórnvöld, íbúar og forsvarsmenn
höfuðborgarsvæðisins vilji ekki
hraða uppbyggingu öflugs vísinda-
og tækniiðnaðarhverfis í þessu
skyni.
Á undanförnum árum hefur verið
Iagt í umfangsmikla fjárfestingu
hérlendis til að byggja upp þróað
starfsumhverfi fyrir atvinnulífið,
eins og t.d. hafnarmannvirki, vegi,
flugvelli, virkjanir, stóriðjuver, brú
yfir Borgarfjörð og fyrirhugaðar
eru framkvæmdir eins og ný flug-
stöð í Keflavík. Telja má víst, að
fjárfesting opinberra aðila og at-
vinnulífsins í bættu starfsumhverfi.
eins og lýst er hér að framan og er
nú til umræðu, ásamt bættum
stjórnunaraðferðum, vöruþróunar-
og markaðsaðgerðum, muni skila
sér aftur í fjölgun atvinnutækifæra
og útflutningi á nýjum háþróuðum
iðnaðarvörum, en um leið munum
við aukast að þekkingu, sem mun
koma að haldi við áframhaldandi
eflingu atvinnulífs í landinu.
(Jón H. Magnússon, verkfrœðingur
er ráðgjafi Atvinnumálanefndar
Reykjavíkurborgar um eflingu há-
þróaðs iðnaðar og ráðgjafi Háskóla
íslands um eflingu tengda við at-
vinnulífið).