AVS. Arkitektúr verktækni skipulag - 01.12.1993, Side 63

Úr Bjarnaneskirkju í Nesjum, A. Skaftafellssýslu. Hannes Kr. Davíðsson. 1957.
Kjarvalsstaðir. Hannes Kr. Davíðsson. 1967.
kaþólska söfnuðinn. Síðasta verk mitt er svo bygging
Húsgagnahallarinnar sem nú er að komast á lokastig.
Húsgagnahöllin er byggð út frá því viðhorfi, að það eina
sem maður veit fyrir víst um verslunarhús er að manni er
eiginlegast að hreyfa sig á láréttum fleti.“
Hannes segir aðspurður að mikil gróska hafi verið í
faginu fyrr á árum. Arkitektar hafi hittst og rætt verk
sín og starfsbræðra sinna og leitað eðlilegra lausna á
hönnun húsa.
„Það mátti yfirleitt sjá hver hafði hannað hvaða hús ólíkt
því sem nú er. En nú má hins vegar oft sjá hvaða tímarit
lá til grundvallar - þó ekki alltaf. En vissulega sér maður
einnig góð hús nú til dags sem ekki verða heimfærð upp á
tiltekin tímarit, jafnt frá eldri mönnum sem yngri.“
Hvernig var að hasla sér völl sem arkitekt og afla
verkefna?
„Yfirleitt held ég að verkefnin hafi komið til manna, en
sumir fóru í pólitík og þá virtist sem flokkurinn skaffaði
eða þá flokkssamböndin. Því þeim mun meiri fengur var
í arkitekti num fy rir flokkinn sem hann hafði meira umleikis
og naut meira umtals. Einnig fóru menn í ýmis félög sem
sköpuðu tengsl en hvort það var beint til verkefnaöflunar
veit ég ekki. Trúlega hefur það nú oft verið upp á félags-
skapinn þó að oft fylgdu verkefni í kjölfarið.
61