Skessuhorn - 29.03.2023, Síða 8

MIÐVIKUDAGUR 29. MARS 20238
Eldur í sinu
HVALFJ.SV: Hringt var
í Neyðarlínuna á sunnu­
dagskvöldið og tilkynnt um
gróður elda við Akrafjalls­
veg. Þar hafði kviknað eldur í
sinu á fimm fermetra svæði og
þegar lögregla kom á staðinn
var slökkviliðið komið á vett­
vang og slökkti eldinn. -vaks
Aflatölur fyrir
Vesturland
18. – 24. mars
Tölur (í kílóum)
frá Fiskistofu
Akranes: 6 bátar.
Heildarlöndun: 2.832.552
kg.
Mestur afli: Svanur RE:
2.810.374 kg í tveimur lönd­
unum.
Arnarstapi: 1 bátur.
Heildarlöndun: 92.417 kg.
Mestur afli: Bárður SH:
92.417 kg í sex róðrum.
Grundarfjörður: 8 bátar.
Heildarlöndun: 519.317 kg.
Mestur afli: Drangey SK:
226.800 kg í tveimur lönd­
unum.
Ólafsvík: 8 bátar.
Heildarlöndun: 88.837 kg.
Mestur afli: Steinunn SH:
40.535 kg í einum róðri.
Rif: 8 bátar.
Heildarlöndun: 367.707 kg.
Mestur afli: Tjaldur SH:
90.219 kg í einni löndun.
Stykkishólmur: 2 bátar.
Heildarlöndun: 183.072 kg.
Mestur afli: Þórsnes SH:
179.136 kg í þremur lönd­
unum.
Topp fimm landanir
á tímabilinu
1. Svanur RE – AKR:
1.572.458 kg. 21. mars.
2. Svanur RE – AKR:
1.237.916 kg. 20. mars.
3. Drangey SK – GRU:
188.965 kg. 19. mars.
4. Tjaldur SH – RIF: 90.219
kg. 18. mars.
5. Rifsnes SH – RIF: 86.058
kg. 20. mars.
-sþ
Stjórn UMFÍ ákvað í síðustu viku
að hætta starfsemi Ungmennabúða
UMFÍ á Laugarvatni. Forsaga
málsins er sú að starfsemi Ung­
mennabúðanna hafði verið hætt
tímabundið um miðjan febr­
úar vegna myglu og rakaskemmda
í þessum fyrrum húsi Íþrótta­
kennaraskólans. Í kjölfarið upp­
lýsti Bláskógabyggð, eigandi húss­
ins, UMFÍ um að sveitarfélagið
hygðist ekki fara í þær framkvæmdir
á húsinu sem nauðsynlegar eru til að
halda mætti starfsemi í því áfram.
Þess í stað opnaði sveitarfélagið á
þann möguleika að UMFÍ myndi
kaupa húsnæði Ungmennabúðanna
af sveitarfélaginu og halda starf­
seminni áfram í kjölfar viðgerða.
Stjórn og stjórnendur UMFÍ mátu
framkvæmda­ og kostnaðar áætlanir
í tengslum við það verk og töldu það
af þeirri stærðargráðu að ekki væri
skynsamlegt fyrir UMFÍ að takast
eitt á hendur slíka skuldbindingu.
„Stjórn UMFÍ þykir afar miður að
þetta sé niðurstaðan og þar með til­
neydd til að ljúka starfsemi Ung­
mennabúðanna á Laugarvatni,“
segir í tilkynningu og upplýsa að þar
með verði starfsemi búðanna hætt.
UMFÍ hefur starfrækt Ung­
mennabúðir frá árinu 2005, í upp­
hafi á Laugum í Sælingsdal, en frá
árinu 2019 á Laugarvatni. Í búð­
irnar hafa komið þúsundir nem­
enda úr 9. bekk grunnskóla af
öllu landinu með kennurum og
umsjónar fólki og dvalið þar fimm
daga í senn. Markmiðið með dvöl í
búðunum var að styrkja félagsfærni
ungmennanna, efla vitund þeirra
fyrir umhverfi sínu og samfélagi
ásamt því að kenna þeim að hafa
heilbrigðan lífsstíl að leiðarljósi.
Þess má geta að UMFÍ rekur
Skólabúðir á Reykjum í Hrúta­
firði og koma þangað nemendur
7. bekkjar úr grunnskólum af öllu
landinu. Engar fyrirætlanir eru um
lok þeirrar starfsemi.
mm/ Ljósm. umfi.is
Síðastliðið mánudagskvöld lauk
þriggja kvölda páskamóti Bridge­
félags Borgarfjarðar í tvímenningi.
Fyrirkomulag mótsins var þannig
að besti árangur tveggja kvölda gilti
til úrslita. Afgerandi forystu í upp­
hafi móts náðu þau Anna Heiða
Baldursdóttir og Ingimundur Jóns­
son og héldu þau henni til enda.
Uppskáru þau 128,1 stig. Í öðru
sæti með 124,7 stig voru Heiðar
Árni Baldursson og Logi Sigurðs­
son. Í þriðja sæti urðu svo Skaga­
mennirnir Viktor Björnsson og
Karl Alfreðsson með 114,4 stig.
Allt fékk þetta heiðursfólk páska­
egg að launum.
Næstkomandi mánudagskvöld
3. apríl verður einmenningskeppni
félagsins. Allir eru velkomnir í
Logaland, en spilamennska hefst
stundvíslega klukkan 20.
mm
Snorri Jóhannesson veiðivörður á
Arnarvatnsheiði birti meðfylgjandi
mynd á FB síðu sinni á fimmtu­
daginn. Hún er af veginum sem
liggur niður sneiðina á aksturs­
leiðinni frá Kalmanstungu og í
Hallmundarhraun þar sem fjöl­
margir leggja leið sína til að skoða
Surtshelli. Sneiðin liggur utan
í felli og af henni er snarbratt
niður í Norðlingafljót. Aflíðandi
klakabunkar ná út af vegbrúninni.
Snorri bendir á að þarna sé mjög
varhugavert að aka við þessar
aðstæður jafnvel þótt fólk sé vant
akstri, jafnvel á vel búnum bílum á
nagladekkjum.
mm
Mygla í húsi leiðir til þess að
ungmennabúðum UMFÍ hefur verið hætt
Varar við akstri í Surtshelli
Urðu hlutskörpust í páskatvímenningi BB
Sigurvegarar á páskamóti BB. F.v. Karl, Viktor, Ingimundur, Anna Heiða, Heiðar Árni og Logi.