AVS. Arkitektúr verktækni skipulag - 01.06.1998, Qupperneq 19

sund nýta margir sér þá möguleika sem staðsetn-
ing laugarinnar hefur í för með sér. Þaðan liggja
göngu-, hlaupa- og hjólareiðastígar í flestar áttir.
FERÐIN HAFIN
Leiðin liggur niður í Kópavoginn eftir Urðarbraut
sem er greiðfær öllum þeim sem ætla í göngu-
hlaupa- eða hjólareiðartúra. Er komið er niður í
voginn liggur leiðin til vinstri, inn í Kópavogsdalinn.
Angan af þangi leggur um vit og sjávarbáran gutl-
ar við hlein. Kópavogsleiran liggur í botni vogsins
einstök náttúrugersemi. Hún er umlukin þangfjöru
með fjölskrúðugu lífríki sem dregur að sér fjöl-
breytt fuglalíf. Inn dalinn liggur malbikaður stígur
sem teygir anga sína í allar áttir. Nú höldum við
undir Hafnarfjarðarveg og inn með Kópavogslæk
að norðan.
HLÍÐARGARÐUR
Skömmu eftir að við komum undir Hafnarfjarðar-
veg liggur stígur til vinstri upp í Hlíðargarðinn.
Hann er staðsettur milli íbúðarhúsa við Hlíðar-
hvamm og Lindarhvamm. Hann er eini eiginlegi
skrúðgarðurinn í Kópavogi og var á sínum tíma
skipulagður í stíl evrópskra hallargarða. Garður-
inn er mjög skjólsæll sökum skjólbeltis sem plan-
tað hefur verið allt í kringum hann.
KÓPAVOGSDALUR
Þá blasir við okkur á hægri hönd stórt og glæsilegt
íþrótta- og útivistarsvæði sem býður upp á fjöl-
marga möguleika á iðkun íþrótta og annarrar hollr-
ar útivistar fyrir almenning. Þar er að finna Kópa-
vogsvöll með upphituðum hlaupabrautum lögðum
gerviefni, Smárann, hið glæsilega íþróttahús á
félagssvæði Breiðabliks ásamt gervigrasvelli og
æfingasvæðum. Norðan Kópavogsvallar er Tenn-
ishöllin ásamt þremur útivöllum. Skammt innan
hennar er Smárahvammsvöllur sem lengi vel var
eina grasæfingasvæðið fyrir knattspyrnumenn í
bænum. Á leiðinni inn dalinn liggur göngustígurinn
þétt með Kópavogslæknum. Frá öllum þvergötum
í Hvömmum sem og úr Smárahverfi liggja göngu-
stígar að þessum stíg. Er innar dregur komum við
að Digraneskirkju en fram hjá henni liggur stíg-
urinn um þéttvaxið skógarbelti. Undir Digranes-
veginn inn í Hjallahverfið hlykkjast stígurinn inn
dalinn alveg inn í Mjódd. Skömmu eftir að komið
er í Hjallahverfið liggur stígur beint upp Digranes-
hlíðarnar alveg upp á Víghólinn þar sem staðsett
er útsýnisskífa. Þaðan er mjög víðsýnt. Við rætur
Digranesshlíðanna gegnt uppgöngustígnum er
Bakki, félagssvæði Skátanna í bænum.
YFIR HÁLSINN
Er inn í Mjódd er komið liggur stígurinn upp Digra-
neshálsinn eftir Stórahjalla og undir Nýbýlaveg á
móts við Kjarrhólma. Úr Kjarrhólma liggur góð
skíða- og sleðabrekka niður í austurhluta Foss-
vogsdalsins. Við rætur brekkunnnar liðast stígur
inn vestur eftir dalnum og tengist göngustígakerfi
Reykjavíkur með fjölda þverstíga.
FOSSVOGSDALUR
Fossvogsdalurinn er mjög gróðursæll og skjólgóð-
ur. í báðum endum hans er mikil trjárækt en þar á
milli þekur graslendi meginhluta dalsins. Foss-
vogsdalurinn er eitt best nýtta útivistarsvæði á
höfuðborgarsvæðinu enda aðstaðan mjög góð.
Þéttriðið kerfi göngu- og hjólreiðastíga er um
dalinn þveran og endilangan og þaðan liggja stíg-
ar upp í Elliðaárdalinn í Reykjavík.
Áfram er haldið vestur Fossvogsdalinn og komið
að Snælandi. Þar er félagssvæði Handknattleiks-
félags Kópavogs, Fagrilundur sem bíður upp á
ýmsa möguleika vor, sumar og haust,en á veturna
eru lagðar gönguskíðabrautir eftir dalnum. Frá
Snælandshverfinu liggur ein greiðfærasta leiðin
meðfram Skógræktinni að göngubrúnni yfir
Kringlumýrarbraut og þaðan niður í Sæbólshverfi.
FOSSVOGUR AÐ HÖFNINNI
Er komið er í Sæbólshverfi verða nokkur rof á
göngustígnum þar sem halda þarf ofar í hverfið í
neðstu götur til að hægt sé að halda ferðinni
áfram. í Vesturvör er aðstaða Siglingafélagins
Ýmis en þar geta bæjarbúar stundað siglingar á
sumrin með því að leigja sér skútur og báta. Er út
á nesið er komið tekur Kópavogshöfn við. Frá
höfninni liggur göngustígurinn alveg með sjónum
inn Kópavoginn en í fyrstu er hann einungis lagður
möl og grús. Þessi stutta leið frá höfninni að
Urðarbrautinni þangað sem ferðin hófst er alveg
eintök. Nálægð sjávar og hið fagra útsýni á þess-
um hluta leiðarinnar er punkturinn yfir i-ið á þess-
ari útivistarferð okkar umhverfis bæinn.
INNI í BÆNUM
Auk hinna fjölmörgu svæða sem tæpt hefur verið
á í þessari hringferð er fjöldi útivistarsvæða uppi á
hálsunum tveim, Kársness og Digraness. Helst
ber þar að nefna allar skóla- og leikskólalóðirnar,
17