AVS. Arkitektúr verktækni skipulag - 01.09.2004, Page 65

terrazzo gólfi og stiginn góðkunni
fylgir manni upp á þriðju hæð þar
sem einnig er búið að opna allt
rýmið og loftgluggarnir veita salnum
áhrifamikla dagsbirtu. Ferð gesta
lýkur þar sem gengið er í gegnum
op á gamla suðurgaflinum og inn á
svalir sem veita annarsvegar yfirsýn
niður í nýja forsalinn og hins vegar
útsýni til vesturs út um glugga í átt
að Háskólabókasafninu. Af svölun-
um er gengið niður á aðra hæð eftir
útvegg nýja sívalningsins í björtum
tröppugang. Gangurinn veitir and-
stæðu við dempuð sýningarsvæðin
og miðja vegu er hár gluggi sem
veitir útsýni í hásuður yfir koparþakið
á nýjum glerinngangi, aðalbyggingu
Háskólans og bílastæði safnsins.
Gangurinn endar við annað op á
gamla suðurgaflinum og stórum
glugga á austurhlið með útsýni yfir
veitingaskálann og háskólastiginn.
Handan opsins tekur stiginn mikli
aftur við gestum sem beinir þeim
nú niður í forsal og kaffiilm veitinga-
skálans. Þar er hægt að staldra við
áður en gengið er út um ferhyrndan
glerinnganginn þar sem við blasir
háskólasvæðið, aðstaða vélknúinna
ökutækja og íslensk veðrátta. Eftir
nokkrar ferðir í safnið frá opnun er
viðloðandi sú tilfinning undirritaðs að
safnið sé þegar á mörkum þess að
anna aðsókn.
Nýr suðurínngangur
Þjóðminjasafnsins. /
The Museum’s new
entranœ.
Ljóst er að arkitektar Hornsteina
hafa náð að opna Þjóðminjasafnið til
muna og veita því veglega umgjörð
sem nýtist sýningarhaldi mun betur
en upprunalegt safn. Arkitektarnir
Ólafur, Ögmundur og Ragnhildur
hafa náð að leyfa safninu að njóta
sín þar sem þungamiðjan í arki-
tektúr safnsins er enn stigi. Stiginn
og umgjörð hans eiga eflaust eftir
að verða andlit Þjóðminjasafnsins
um ókomin ár, og vert að veita því
athygli hvort breyttur suðurgaflinn
verði dæmigerður fyrir nýfunkisstíl. ■
j___________i
Grunnmynd; fyrsta hæð.
/ Ground floor plan.