Þingtíðindi Alþýðusambands Íslands ... - 13.11.2000, Síða 12

velkomna. Ég vil leyfa mér að bjóða sérstaklega velkominn til okkar Bill
Jordan, framkvæmdastjóra Alþjóðasambands frjálsra verkalýðsfélaga.
Aðrir góðir gestir sem við bjóðum velkomna eru Tom Saxén, fram-
kvæmdastjóri Norræna verkalýðssambandsins - NFS; Finn Sörensen, Danska
alþýðusambandinu; Bente N. Halvorsen, Norska alþýðusambandinu; Ulla
Lindquist, Sænska alþýðusambandinu; Christer Björkstrand, Finnska alþýðu-
sambandinu; Sæmundur Arnason, formaður Félags bókagerðarmanna; Ög-
mundur Jónasson, formaður BSRB; Björk Vilhelmsdóttir, formaður Bandalags
háskólamanna; Eiríkur Jónsson, formaður Kennarasambands Islands; Grétar
Mar Jónsson, formaður Farmanna- og fiskimannasambands íslands; Friðbert
Traustason, formaður Sambands íslenskra bankamanna; Þórunn Daðadóttir,
frá Iðnnemasambandi Islands; Helgi Seljan, framkvæmdastjóri Öryrkjabanda-
lagsins og Benedikt Davíðsson, formaður Landssambands eldri borgara. Bene-
dikt er einnig fyrrverandi forseti Alþýðusambands Islands og er því sérstakur
gestur okkar sem slíkur ásamt þeim Snorra Jónssyni og Asmundi Stefánssyni.
Aður en við snúum okkur að verkefnum þingsins vil ég við upphaf þessar-
ar samkomu minnast þeirra félaga okkar sem látist hafa frá því við komum síð-
ast saman til þings. Ég ætla ekki að nefna nöfn þeirra en vil þó geta eins þeir-
ra sérstaklega en hann var einmitt einn góðra gesta við setningu síðasta þings
ASI: Helga Hannessonar, fyrrverandi forseta Alþýðusambandsins, sem féll frá
síðla árs 1998. Helgi átti um langt árabil þátt í að móta starf og stefnu verka-
lýðshreyfingarinnar. Hann var einn af forystumönnum hennar á Vestfjörðum
áður en hann tók við forystu í Alþýðusambandinu á mjög erfiðum tímum, eða
árið 1948 þegar atvinnuleysi fór vaxandi og dýrtíð jókst. 1952 stýrði Helgi ASÍ
í gegnum eitt víðtækasta verkfall sem háð hefur verið hér á landi. Helgi var
verkalýðssinni að upplagi, hafði ríka réttlætiskennd og var tilbúinn að leggja
góðum málstað lið. Við skulum minnast allra þeirra félaga okkar sem nú hafa
kvatt eftir farsælt starf fyrir hreyfinguna og votta þeim virðingu okkar með því
að rísa úr sætum. Þakka ykkur fyrir.
Félagar,
Samtök launafólks, hér á Islandi sem annars staðar, hafa svo sannarlega
verk að vinna og það sífellt mikilvægara. Vinnumarkaðurinn og hagkerfi
heimsins verða stöðugt alþjóðlegri. Tækninýjungar valda róttækum breyting-
um á vinnu fólks og heilu starfsgreinamar verða til á meðan aðrar hverfa. A
slíkum umbrotatímum eykst þörfin fyrir samtakamátt launafólks. Félagsmenn
gera auknar kröfur um öflugt starf og þjónustu. Þá skiptir samstarf samtaka
launafólks, meðal annars þvert á landamæri, sífellt meira máli.
Verkalýðshreyfingin er sem betur fer ekki aðeins að verjast heldur að sækja
fram á mörgum vígstöðvum. Alþýðusambandið hefur lagt vaxandi áherslu á
10