Þingtíðindi Alþýðusambands Íslands ... - 13.11.2000, Blaðsíða 30

að á þessu þingi á að helga eina málstofu forystufræðslu. Ef við lítum yfir
verkalýðshreyfinguna og fræðslustofnanir hennar í heild þá held ég að óhætt
sé að fullyrða að við séum stærsta og fjölmennasta fræðslustofnun landsins.
Þegar við komum síðast til þings var Listasafn ASI að flytja í ný og glæsi-
leg húsakynni í Asmundarsal við Freyjugötu. Safnið hefur nú slitið bamsskón-
um á nýjum stað og reynslan hefur sýnt að þetta húsnæði er mikil lyftistöng
fyrir starfsemi safnsins. Listasafn ASI hefur þróað virka menningarstarfsemi í
þessu góða húsi ásamt því að stuðla að kynningu á íslenskri myndlist mjög
víða, bæði innan veggja fyrirtækja og stofnana og út um landsbyggðina. Af-
koma safnsins hefur einnig farið mjög batnandi og er það sérstaklega ánægju-
legt.
Utdráttur úr reikningum Alþýðusambands Islands, Menningar- og fræðslu-
sambands alþýðu og Listasafns ASÍ fyrir árin 1996, 1997, 1998 og 1999, ligg-
ur frammi á borðum ykkar. Reikningar fyrstu þriggja áranna hafa verið kynnt-
ir og afgreiddir í miðstjórn og sambandsstjórn. Reikningar vegna síðastliðins
árs hafa verið kynntir og afgreiddir í miðstjóm, nema reikningur Listasafns
ASI sem gerð var grein fyrir í miðstjórn en var ekki endanlega frágenginn.
Hann liggur hér frammi í endanlegri mynd. Reikningamir era til umfjöllunar
og afgreiðslu með skýrslu forseta. A undanfömum árum hefur verið unnið eft-
ir ítarlegum starfs- og fjárhagsáætlunum hjá ASÍ og óhætt að fullyrða að það
vinnulag hefur skilað okkur aðhaldi í rekstri og betri afkomu.
A borðum ykkar liggja frammi skýrslur forseta um störf Alþýðusambands-
ins frá síðasta þingi. Þetta eru fjórar bækur, miklar að vöxtum, sem vitna um
mikið starf og margbreytilegt og er þó ekki hægt að víkja að öllu í þessum
skýrslum. Hvað þá að mér hafi tekist að draga fram nema örfá atriði úr starfi
síðustu fjögurra ára í þessari tölu.
Eitt hef ég ekki nefnt enn. Þar er um veigamesta viðfangsefni þessa þings
að ræða: Skipulagsmálin. Allt frá síðasta þingi hefur umræða um skipulag og
starfshætti ASI verið rauði þráðurinn í öllu okkar starfi. Á tímabili settu raun-
ar mjög alvarleg skipulagsleg og félagsleg vandamál mark sitt á allt starf
hreyfingarinnar. Það er meginverkefni okkar á þessu þingi að leggja okkar lóð
á vogarskálarnar til að leysa þær deilur og reyna að koma í veg fyrir að svona
ástand komi upp. Mikilvægur þáttur í því er að setja sambandinu ný lög og
starfshætti. I ljósi þess að þetta mál er meginefni þingsins ætla ég ekki að hafa
fleiri orð um skipulagsmálin í þessari skýrslu en vísa til umfjöllunar um mál-
ið á þinginu.
28