Þingtíðindi Alþýðusambands Íslands ... - 13.11.2000, Page 65

fyrst og fremst þróunarferli og vísaði í skipulagsbreytingar 1958 og 1962 sem
læra þyrfti af. Skipulagið ætti að vera tæki til að ná markmiðum sambandsins.
Hann sagði verkalýðshreyfinguna þurfa að skapa sér nýja ásýnd. Með
frumvarpinu væri reynt að skjóta nýrri stoð undir ASI með því sem kallað er
samstarfssamningur aðildarfélaga ASI og fæli í sér beina samningsskuldbind-
ingu milli félaga. Þannig væri hægt að ná ríkari skuldbindingu.
Astráður benti á að um væri að ræða heildstætt frumvarp að nýjum lögum,
þar sem þau gömlu væru orðin stagbætt. Frumvarpið væri byggt á núgildandi
lögum en mörgu breytt og margt sett fram með nýjum hætti. Yrði það að lög-
um væri innra samhengi í lögum ASI tryggt. Lögin ættu ekki að vera minja-
safn um skipulagshugmyndir liðinna tíma.
Varðandi aðild að sambandinu sagði hann vera gert ráð fyrir framhaldi síð-
asta þings, landssambönd stéttarfélaga og landsfélög. Hann benti á að atriðið
um aðild landsfélaga hefði verið einna mest umdeild í undirbúningi tillagn-
anna.
ASÍ hafi áfram eftirlit með aðildarfélögum sínum. ASI tryggi að aðildarfé-
lög uppfylli lágmarksskyldur. ASÍ aðild væri vottun, trygging fyrir því að fé-
lög hefðu sín mál í lagi. Sambandinu væri með lögunum fengið verkfæri til að
sinna þessu hlutverki. Réttur til íhlutunar og beinna aðgerða væri tryggður (11.
gr.). Réttur ASI til að leggja tillögur beint fyrir félagsmenn væri tryggður, í
neyð væri hægt að setja félagi tilsjónarmann að loknu ákveðnu ferli.
Astráður nefndi einnig að gert væri ráð fyrir nýrri meðferð ágreiningsmála
þar sem ferlið hafi ekki virkað sem skyldi hingað til. I meðferð ágreiningsmála
er vísað í samstarfssamning og gert ráð fyrir (lOgr.) að með ágreiningsmál
milli aðildarfélaga verði farið á þann hátt sem félögin koma sér saman urn í
samstarfssamningi. Félögin fái í samstarfssamningi heimild til að fá ágreining
lagðan í gerð til úrlausnar. Félögin leysi því sín mál og þau mál sem miðstjórn
getur ekki leyst úr lenda síður á hennar borði.
Ef frumvarpið verður að lögum heyra ASI þing sögunni til og í stað þeirra
kæmi ársfundur. Með því telur forysta ASI unnt að ná fram skilvísari stjórnun
með styttri fundum og afmarkaðri viðfangsefnum. Fulltrúum verður fækkað
og þar með dregur úr kostnaði. Stjórnkerfið yrði einfaldara og engin sam-
bandsstjórn. Mögulegt yrði að þróa mál sambandsins örar en í dag.
Ástráður sagði að hugmyndin væri sú að kosnir yrðu fulltrúar á ársfund
(30. gr.), öll aðildarfélög ættu rétt á a.m.k. einum fulltrúa en félög með fleiri
en 200 félagsmenn ættu rétt á einum fulltrúa fyrir hverja 200-1000 félags-
menn. Þau félög sem hafa fleiri en 1000 félagsmenn ættu rétt á einum fulltrúa
fyrir hverja 400 félagsmenn. Atkvæðavægi félaga réðist af fjölda fullgreiðandi
félagsmanna og gjaldfrjálsra. Atkvæðavægi mætti skipta á milli færri ársfund-
63