Þingtíðindi Alþýðusambands Íslands ... - 13.11.2000, Side 103

byggðinni en getur einnig boðið upp á aukna möguleika til atvinnuuppbygg-
ingar ef rétt er á málum haldið.
ísland og umheimurinn
Á nýjum tímum skipta alþjóðleg samskipti sífellt meira máli. Þetta á ekki síð-
ur við um verkalýðhreyfinguna en aðra. Á síðasta áratug hefur ASI tekið sífellt
meiri þátt í samstarfi verkalýðshreyfingarinnar á norrænum, evrópskum og al-
þjóðlegum vettvangi. Með þessu hefur ASI tekið þátt í baráttu verkalýðshreyf-
ingarinnar fyrir bættum kjörum og réttindum í Evrópu og heiminum öllum. I
þessu sambandi má t.d. minna á alþjóðlega baráttu fyrir mannréttindum, bar-
áttuna gegn barnavinnu og baráttuna fyrir tryggingu félagslegra ákvæða í við-
skiptasamningum. Stór hluti af þessu starfi fer fram í beinu samstarfi innan
verkalýðshreyfingarinnar en sumt fer fram innan alþjóðastofnana eins og Al-
þjóðavinnumálastofnunarinnar (ILO) og Alþjóðaviðskiptastofnunarinnar
(WTO) þar sem ríkisstjómir heimsins taka þátt. Hér á landi hefur ASÍ reynt að
beita áhrifum sínum til þess að hafa áhrif á stefnu íslenskra stjórnvalda í þessu
starfi.
EES-samningurinn hefur gagnast Islandi vel frá því að hann tók gildi í upp-
hafi ársins 1994. Hann var umdeildur í upphafi og margir höfðu áhyggjur af
þróun mála, einkum ýmsu sem sneri að vinnumarkaðnum. Fljótlega kom í ljós
að þessar áhyggjur voru óþarfar og EES-samningurinn hefur ekki fært með sér
nein neikvæð áhrif á íslenskan vinnumarkað. Það virðist vera nokkuð sam-
dóma álit þjóðarinnar að EES-samstarfið hafi verið til hagsbóta og hafi nýst ís-
lensku atvinnulífi vel til sóknar. Innan ASI er almennt talið að EES-samning-
urinn hafí fært íslensku launafólki ýmsar réttarbætur og að aðildin hafi þannig
skilað jákvæðum árangri.
Allt frá því að samningaviðræðumar um EES-samninginn hófust, hefur
verið unnið ötullega að Evrópumálum á vettvangi ASÍ. ASÍ hefur tekið mjög
virkan þátt í Evrópusamstarfi verkalýðshreyfíngarinnar á þessum tíma. Það
gildir jafnt um norræna samstarfið sem fyrst og fremst beinist að Evrópu og
samstarfið innan Evrópusambands verkalýðsfélaga (ETUC).
Á grundvelli EES-samningsins hefur ASI öðlast betri stöðu en ella innan
ETUC og þannig komist í innsta hring. ASI hefur átt aðild að evrópsku vinnu-
markaðsviðræðunum og tekið þátt í öllum samningum um réttarbætur í félags-
og vinnumarkaðsmálum sem hafa verið gerðir milli ETUC og Evrópusamtaka
atvinnurekenda. ESB hefur síðan breytt þessum samningum í löggjöf sem
gildir fyrir allt EES-svæðið. Að þessu leyti hefur ASÍ komist mun lengra inn t
löggjafarstarf á vettvangi EES en íslensk stjórnvöld. Nú eru í farvatninu sams
101