Þingtíðindi Alþýðusambands Íslands ... - 13.11.2000, Blaðsíða 105

sjálfstæði hans, auðvelda honum að takast á við viðfangsefni hins daglega lífs
og að vera virkur þátttakandi í samfélaginu og þróun þess.
Samtök launafólks hafa á undanförnum árum lagt sífellt meiri áherslu á
menntamál og vinna útfrá því að menntun er ævistarf - gerð er krafa um end-
urnýjun og viðhald þekkingar - símenntun. Mikilvægt er að samtök launafólks
gæti hagsmuna félagsmanna sinna með því að taka virkan þátt í mótun og
framkvæmd menntunar. Þá er einnig mikilvægt að Islendingar taki virkan þátt
í umræðu og samstarfi um menntamál á alþjóðavísu og hagnýti sér þá þekk-
ingu og reynslu sem þar verður til. Mikilvægi tungumálakunnáttu Islendinga
verður stöðugt meira.
Á vettvangi verkalýðshreyfingarinnar hefur rík áhersla verið lögð á að efla
samstarf samtaka launafólks, atvinnurekenda, fræðslustofnana og stjórnvalda
við uppbyggingu og þróun símenntunar. Mikilvægt er að því starfi verði hald-
ið áfram og það eflt enn frekar.
Verkalýðshreyfmgin vill að litið sé á menntakerfið í heild þar sem áhersla
er lögð á að tryggja öllum tækifæri til menntunar. Því verður að byggja upp
öflugt og lifandi grunnmenntakerfi fyrir alla, þar sem ungt fólk hefur tækifæri
til að búa sig undir líf og starf. Fullorðið fólk sem sækir formlegt nám þarf að
fá reynslu og hæfni metna til styttingar á námi. Áhersla skal lögð á að ekki
myndist blindgötur í skólakerfinu. Um leið verður að tryggja fólki sem komið
er út á vinnumarkaðinn rétt og aðstæður til að sækja endur- og eftirmenntun til
að styrkja sig í starfi eða auðvelda því að skipta um starf. Lögð skal áhersla á
að fólki á vinnumarkaði standi til boða náms- og starfsráðgjöf.
íslenskt samfélag verður stöðugt alþjóðlegra. Verkalýðshreyfingin leggur
áherslu á að nýbúum hér á landi verði sköpuð skilyrði til að taka virkan þátt í
íslensku samfélagi og á vinnumarkaði. Þar gegnir menntun lykilhlutverki.
Starf verkalýðshreyfingarinnar að menntamálum snýr einnig inn á við því
nauðsynlegt er að efla stöðugt þekkingu og hæfni forystumanna og starfs-
manna hennar til að leiða hana til áhrifa í samfélagi, þar sem þekking verður
stöðugt mikilvægari.
Velferðarmál
Alþýðusambandið vill tryggja framtíð velferðarkerfis sem byggir á hugmynd-
inni um réttlæti og samstöðu þar sem hver og einn greiðir í sameiginlega sjóði
eftir getu og fær stuðning og aðstoð eftir því sem þörf krefur, óháð búsetu
efnahag eða aldri.
Gerðar hafa verið ýmsar breytingar á velferðarkerfinu á síðari árum sem
snerta flesta þætti þess, svo sem heilbrigðiskerftð, almannatryggingakerfið og
stuðning við barnafjölskyldur. Því miður hafa þessar breytingar ekki þjónað
103