Þingtíðindi Alþýðusambands Íslands ... - 13.11.2000, Page 110

verkefni verkalýðshreyfingarinnar að efla sig og styrkja, laga skipulag sitt og
starfshætti að kröfum nýrra tíma, móta sér nýja ásýnd og fara fram af festu
með sjónarmið sín og stefnu.
TIL MÓTS VIÐ NÝJA TÍMA
helstu áherslur og verkefni ASI í starfi nœstu missira
Sem heildarsamtök launafólks eru verkefni Alþýðusambands Islands margþætt
og margt sem kallar að á hverjum tíma. Það má meðal annars ráða af þeirri um-
fjöllun um stöðu og þróun íslensks samfélags sem hér fór á undan. En 39. þing
ASI leggur til að sérstök áhersla verði lögð á eftirfarandi málaflokka á næsta
starfsári sambandsins:
Aherslur og helstu verkefni ASI í menntamálum:
Aukin þekking - forsenda framfara
Áherslur ASÍ:
• Menntun í atvinnulífinu er sameiginlegt hagsmunamál og viðfangsefni
launafólks og atvinnurekenda enda eykst mikilvægi hennar stöðugt, fyrir
einstaklingana, fyrirtækin og samfélagið í heild.
• Menntun er ævistarf - krafa um endumýjun og viðhald þekkingar - sí-
menntun.
• Mikilvægt er að samtök launafólks taki virkan þátt í mótun og framkvæmd
menntunar.
• Leggja skal áherslu á að reynsla og hæfni sé metin til styttingar á námi.
• Efla þarf félagsmálafræðslu og menntun til að auka þekkingu og hæfni for-
ystumanna og starfsmanna verkalýðshreyfingarinnar.
• Um leið og byggt er upp lifandi grunnmenntakerfi sem gefur öllu ungu
fólki tækifæri til að búa sig undir líf og starf verður að tryggja fólki á
vinnumarkaði rétt og aðstæður til að sækja sér endur- og eftirmenntun.
• Tryggja þarf nýbúum á Islandi skilyrði til að taka virkan þátt í íslensku
samfélagi og vinnumarkaði. Leggja skal áherslu á að nýbúum standi til
boða kennsla í íslensku og réttindum og skyldum á vinnumarkaði.
Helstu verkefni ASI eru að:
• Vera virkur þátttakandi í umræðunni í samfélaginu um mikilvægi mennt-
unar og kynna sjónarmið samtaka launafólks.
• Vera lifandi vettvangur fyrir skoðanaskipti stefnumótun og upplýsinga-
miðlun verklýðshreyfingarinnar um sameiginlega þætti menntamála og
koma fram fyrir hönd aðildarsamtaka sinna gagnvart stjómvöldum og sam-
tökum atvinnurekenda í sameiginlegum málum.
108