Ský - 01.02.1998, Blaðsíða 38

JJisa, Jlal/n
Fyrsti morgunninn á Ítalíu. Við komum seint
um kvöld til Pisa og eftir að hafa horft
stundarkorn upp í stjörnubjartan himininn
ákvað ég að vakna eftir þrjá tíma, klukkan
fjögur og sjá skakka turninn taka á móti
sólinni. Það var gaman. Einn, aleinn á
þessum mikla ferðamannastað sá ég nótt
breytast í dag. Það var allt svo kyrrt, eins og
að vera staddur í undraheimi fyrir fjórum
öldum. Ég ákvað að hafa turninn réttan á
myndinni. Beið eftir rétta andartakinu, einn
í þessum undraheimi.
Kom síðan upp á hótel klukkan hálfátta
með ítalska rjómatertu, dóttir mín varð
nefnilega fimm ára þennan dag.
Siðan hef ég oft komið að skakka turninum,
en þá hafa verið þar hundrað rútur og þús-
undir túrista og hvergi hægt að stinga niður
þrífæti - eða hlusta á þögnina.
Fuji GX617 180mm 15sec f:11. Velvia.
Xew JJo/'Á,
J) an dat 'if/iun urn
A Times-torgi, torgi tímans stendur tíminn
aldrei kyrr. Þarna er maður næst því að
vera i nafla alheimsins. Þarna er alltaf líf,
aldrei dautt augnablik. ítalskir túristar, ís-
lenskir blaðamenn, Texasbúi og Kanada-
maður sem er villtur, standa saman á götu-
horni og bíða eftir græna manninum. Og
hverfa síðan inn í mannfjöldann.
Ég var að koma af körfuboltaleik þar sem
New York Knicks unnu óverðskuldað og
var á leið niður að Empire State-bygging-
unni þar sem ég ætlaði að mynda Manhatt-
an úr lofti. En það er ekki hægt að ganga
yfir Times-torg án þess að smella af mynd.
Það er alltaf eitthvað óvænt sem slysast
með.
Ftiji GX 617 90mm 20sec f:8.0-11 Velvia.
riicJ/iet/, /Islraliu
Það er fátt sem kemur manni á óvart í lifinu
... nema líklega hvað Ástralía er stór og fá-
menn. Heil heimsálfa með átján milljón
manns og þrjár stórborgir. Sidney fannst
mér ekki áströlsk, frekar blanda af San
Fransisco og London. Með dönsku húsi
sem hýsir Óperuna. Reyndar er Sidney svo
margt annað og fyrir okkur Islendinga er
loftslagið frábært, vínin og maturinn betri
en annars staðar (svo segja þeir sjálfir). Og
sjórinn allt um kring sem á vel við okkur.
Allar myndir sem ég sá af óperuhúsinu voru
teknar í Ijósaskiptunum svo ég ákvað að
mynda Sidney-óperuna í þessu harða Ijósi
sem dagurinn gefur þarna hinum megin.
Mamyia 6 50mm 1/60 f:11 Velvia.