Ský - 01.02.1998, Side 47

Færeyjar
sautján prósent af stærð Vatnajökuls. Það væri hægt að
koma öllum eyjunum fyrir á Reykjanesi.
Byggð hefur líka þróast öðruvísi í Færeyjum en á
Islandi. Hér hefur höfuðborgarsvæðið blásið út og nú
búa þar um 60 prósent þjóðarinnar. íbúar Þórshafnar
eru hins vegar um þriðjungur Færeyinga, eða um
15.000 talsins.
Þórshöfn er fallegur bær. Lágreist hús, eins til
tveggja hæða setja svip sinn á höfuðborgina, það fer
lítið fyrir blokkum og fjölbýlishúsum.
Hin stranga áfengislöggjöf Færeyinga var milduð
árið 1992 en fyrir þann tíma gat verið verulega
snúið að verða sér útum eitthvað hjartastyrkjandi þar í
landi. Allt áfengi til persónulegra nota varð að panta
frá Danmörku og til þess að fá það afgreitt inn í landið
urðu menn að hafa staðið í skilum við skattayfirvöld,
takk fyrir. Nú er hins vegar búið að opna sex áfengis-
útsölur á vegum landsstjórnarinnar og heita þær
Rúsdrekkaspla Landsins. Auk þess eru Foroya Bjór og
Restorffs Bryggjarí með bjórverslanir á eyjunum.
Skemmtanalífið í Þórshöfn býður upp á ýmsa kosti.
Vinsælasta kaffihúsið er Café Natúr sem er til húsa við
Áarveg rétt við höfnina. Þar er töluvert af fólki flest
kvöld vikunnar en fjörugustu kvöldin eru á fimmtu-
dögum og sunnudögum. Um helgar er svo vel mætt á
næturklúbbana í miðbænum: Casablanca, Hafnar-
klúbbinn og CIub-20. Færeyingar virðist hafa þann
sama sið og við íslendingar að mæta seint á öldurhús
en raðir taka að myndast fyrir utan klúbbana um eitt
leytið. í Casablanca komst ég að því að Færeyingar em
hins vegar miklu meiri dansmenn en við Islendingar.
Þar hristir sig og skekur ekki hver og einn eins og hon-
um hentar heldur dansa kynin saman. Og þá er ég ekki
að tala um þann aldurshóp sem iðkar gömlu dansana af
hvað mestum krafti hér á landi. Þama var meðalaldur
45