Ský - 01.02.1998, Blaðsíða 53

AKUREYRll
FLUGFÉLAGSBÆRINN H
Menntamiöstöö Norðurlands
Það má með sanni segja að Akureyri sé menntamiðstöð
Norðurlands. Námsmenn setja stóran svip á bæjarlífið,
en samtals eru þar um 3.000 manns við nám í fjórum
skólum sem eru á hærra námsstigi en grunnskóli. Verk-
menntaskólinn á Akureyri er langfjölmennastur með um
1.100 manns í dagskóla og um 130 í kvöldnámi. Mennta-
skólinn á Akureyri kemur næst á eftir með um 600 nemend-
ur, Háskólinn á Akureyri er í þriðja sæti með um
tæplega 400 nemendur skráða til náms og í fjórða
sæti er Myndlistarskólinn þar sem á fjórða tug nema
eru í dagskóla og rúmlega 300 sækja ýmis námskeið.
Drjúgur hluti alls þessa nemendahóps á heimili
annars staðar en á Akureyri og er kominn til bæjar-
ins gagngert til þess að setjast á skólabekk. Þetta er
fólk af Norðurlandi, en einnig frá öðrum landshlut-
um sem kýs frekar að sækja framhaldsskóla á Akur-
eyri en til dæmis í höfuðborginni. Einnig hefur Há-
skólinn á Akureyri ákveðna sérstöðu því að þar er í
boði námsbraut í sjávarútvegsfræðum sem ekki er
að finna í H.í.
Einhvers staðar verður allt þetta fólk að búa. Nem-
endur Verkmenntaskólans og Myndlistarskólans
verða að leysa þann vanda sjálfir á almennum leigu-
markaði, Háskólinn hefur hins vegar stúdentagarða
á sínum snærum og Menntaskólinn heimavist.
Heimavist Menntaskólans á Akureyri er víðfræg og
þar hafa margir átt glaðar stundir í langri sögu skól-
ans. Sá sem sér um að gleðin fari ekki úr böndunum
er Sigmundur Magnússon, en hann er umsjónarmað-
ur heimavistarinnar um þessar mundir. Mikill meiri
hluti 80 herbergja heimavistarinnar eru tveggja manna her-
bergi og segir Sigmundur að sambýlið gangi yfirleitt stór-
slysalaust fyrir sig.
„Lífið hér gengur almennt óskaplega vel," segir hann.
„Hér búa tæplega 140 manns. Það gerist kannski þrisvar
sinnum yfir veturinn að það þarf að flytja fólk milli her-
bergja vegna sambýlisvandræða og á því sést að vandamál-
in eru nú ekki mörg."
Meiri hluti heimavistarbúa eru nemar á fyrsta og öðru ári
í Menntaskólanum. Meðal þeirra eru Rebekka Jóhannes-
______________Skólalíf
dóttir og Birna Ágústsdóttir frá Skagaströnd sem búa í her-
bergi 127, Helgrindum (öll herbergin heita eftir íslenskum
fjöllum), en þær segja að eldri nemarnir séu yfirleitt búnir
að fá sig fullsadda af vistinni þar eftir tvö ár og fari því oft-
ast að leigja úti í bæ. Rebekka og Birna eru hins vegar langt
í frá þreyttar á heimavistinni enda er þetta þeirra fyrsti vet-
ur þar.
í herbergi 127, Helgrindum: Frá vinstri: Birna Ágústsdóttir, Tinna Magnúsdóttir,
Helga Jóhannsdóttir, Ingveldur Gyða Gísladóttir og Rebekka Jóhannesdóttir.
„Félagslífið er frábært hérna og maður kynnist mörgu
góðu fólki," segja þær og bæta því við að þær eyði yfirleitt
helgunum á vistinni því það sé mikið skemmtilegra en að
fara heim.
Sigmundur heldur að eigin sögn uppi hæfilega ströngu
eftirliti með að herbergjum sé haldið þrifalegum. Stelpurnar
segja þó að hann geti verið ansi strangur þegar hann mætir
í skoðunarferðir á tveggja vikna fresti. Annars segjast þær
ekki hafa yfir neinu að kvarta á Heimavistinni nema kannski
mötuneytinu, það sé allt of oft pasta í matinn.
Akureyri í tölum
íbúafjöldi: 15.049 1786 voru íbúar Akureyrar 12 1886 voru þeir270 1986 voru þeir um 13.800 Fjölmennasta gatan: skarðshiíð með um 550 íbúa Fjölmennasta hverfið: síðuhverfi með um 2.850 íbúa Bifreiðaeign á hverja 1000 íbúa: Atvinnuskipting, stærstu greinar: 490 (Til viðmiðunar er þessi tala 542 í Kópa- íðnaðuM'8%° vogi og 522 í Reykjavík) Verslun 14,5% Fiskveiðar og fiskvinnsla 12,5% Meðalhiti: febrúar -1,4°c Fjarlægð fra Reykjavik: ma(S;10C 260 km (loftlína) april 1,1 C Stærstu fyrirtækin: Kaupféiag Eyfirð- Fjarlægð norður að heimskauts- inga, Útgerðarfélag Akureyringa og Samherji au9* 95 km
51