Ský - 01.02.1998, Qupperneq 72

Milli himins og jarðar
í útsaumi á tíræðisaldri
Sægarpurinn Guðmundur Ualgeir Jóhannsson á Flateyri saumar út púða og teppi.
Egill Egilsson hitti kappann.
Utan dyra hamast Vet-
ur konungur í frost-
næðingi nýbyrjaðs
árs. Innan dyra á Sólborg,
öldrunarstofnun Flateyrar,
undir glaðlegum og skríkj-
andi söng kanarífugla, situr
níutíu og tveggja ára gamall
sægarpur, enn þá síungur í
anda þrátt fyrir aldarfjórð-
ungs öldugang sjómennsk-
unnar og tvo áratugi í fisk-
vinnslu, við útsaum. Hendur
hans handleika af fimi
granna nálina um möskva út-
saumsteppisins, enda ekki
óvanur að þræða nálarnar þó
að þær hafi verið sverari og
stærri við netahnýtingarnar á
árum áður. Þetta er hann
Guðmundur Valgeir Jóhanns-
son, einn af eldri íbúum Flat-
eyrar sem er sestur í helgan
stein samkvæmt skilgrein-
ingu nútímans. Gummi Valli
hefur upplifað bæði gleði og
sorg, en kannski meiri sorg
eftir hörmungar snjóflóðsins
þar sem hann missti tvö son-
arbörn sín. Ári áður en snjó-
flóðið skall á missti hann
konu sína úr sjúkdómi. En
hann hefur ekki látið bugast
heldur hefur hann tendrað
eld atorku- og hugsjóna-
mannsins og haldið áfram á
meðan lífsklukkan tifar. Fyrir
tæpu ári hömuðust sæbarð-
ar hendur hans við öngla-
hnýtingar sem gáfu vel af sér
í aðra hönd. Með önglahnýt-
ingunum tókst honum að við-
halda sambandi við sjávarsíð-
una. En þá voru þær teknar
úr höndum hans sökum
sparnaðarráðstafana.
Gummi Valli dó ekki ráðalaus
heldur skellti sér á útsaums-
námskeið ásamt kvenþjóð-
inni á staðnum og einum öðr-
um karlmanni til viðbótar.
Síðan hefur hann tekið ást-
fóstri við útsauminn og eftir
hann liggur fjöldinn allur af
teppum og púðum sem hann
hefur gefið vinum og vanda-
mönnum. Einu viðbrögðin
sem hann hefur fengið við
þessum saumaskap komu
frá sambýlingi hans í næsta
herbergi, henni Önnu sem
fannst það ansi skrítið að
hann, karlmaðurinn, væri far-
inn að sauma púða, kominn á
þennan aldur. Hann kann vel
við þetta handverk, það veiti
sér ákveðið frjálsræði, annað
hafi gilt um hnýtingarnar, þar
hafi verið ákveðin pressa á
honum. Umvafinn hlýju atlæti
öldrunarstofnunarinnar held-
ur Gummi Valli áfram að róa
á sóknarfærin á meðan
heilsa og líkami leyfa.
Höfundur er sjálfstœtt starfandi mannlífsrýnir og Ijósmyndari.
—--
Alþj
70