Ský - 01.02.1998, Blaðsíða 74

Milli himins og jarðar
Fleytir sér áfram
á súrmjólkinni
„Súrmjólk í öll mál og vöfflur með
kaffinu" gætu verið einkunnarorð
Mjólkursamlags IMorðfirðinga.
Margrét Björgúlfsdóttir hitti
mjólkurbússtjórann,
hinn danska Jeff Clemmensen
/
þeim tímum sem fyrirtæki keppast við að sameinast
og stækka til að ná fram svokallaðri hagræðingu eru
samt enn til menn sem berjast með kjafti og klóm fyr-
ir sjálfstæði sínu og sérhæfingu. Dæmi um það er mjólkuræv-
intýrið í Neskaupstað, barátta Davíðs við risann Golíat.
Þegar til stóð að úrelda Mjólkursamlagið í Neskaupstað
fyrir nokkrum árum tóku bændur og bæjarmenn sig saman,
neituðu að leggja niður samlagið sitt og stofnuðu nýtt hlutafé-
lag, Mjólkursamlag Norðfirðinga hf. Hluthafar eru margir,
einstaklingar úr bænum og nærsveitum, en stærstur er kaup-
staðurinn með um fjórðung hlutafjár. Litla mjólkurbúið er að
verða það eina sinnar tegundar á landinu, en það nýtur ekki
beinna styrkja eins og stóru samlögin, sem stöðugt bera víum-
ar í keppinautinn smáa.
Maðurinn á bak við framleiðsluna er mjólkursamlagsstjór-
inn Jeff Clemmensen. Upphaflega kom hinn danski mjólkur-
fræðingur til afleysinga í nokkrar vikur árið 1989, en hefur
ekki farið síðan. Hann á stóran þátt í uppgangi samlagsins og
er allt í öllu innan veggja þess - skrapp til dæmis og bætti að-
eins á pökkunarvélina meðan á þessu spjalli stóð - ásamt að-
stoðarmanni sínum, Atla Frey Björnssyni sem er verðandi
mjólkurtæknir. Jeff er reyndar hættur að sækja mjólkina sjálf-
ur eftir að hafa lent í allsvakalegu slysi á bremsulausum
mjólkurbíl á síðasta ári.
Samlagið hafði verið rekið með tapi í mörg ár þegar nýja
hlutafélagið tók við. Og þó svo að Norðfirðingar fengju áfram
ferskustu mjólkina og drykkju að minnsta kosti tvö glös á
dag, var það ekki nóg til að snúa dæminu við. Lífsbaráttan er
oft háð röð tilviljanna og þannig æxlaðist að Jóhannes í Bón-
us og Jeff hittust í Neskaupstað og tóku tal saman. Ur því
spjalli varð til súrmjólkursamningur og í.október 1996 hófst
sala á þremur bragðtegundum af Bónus-súrmjólk í verslunum
fyrirtækisins. Viðtökur neytenda voru vonurn framar og rúmu
ári seinna er framleiðslan komin allt upp í tvö tonn á viku.
Einnig er hafin sala á súrmjólk frá Mjólkursamlagi Neskaup-
staðar til verslana víða um land.
Vinsældir súrmjólkurinnar þakkar Jeff ferskleika og svo
sérstakri meðhöndlun sem að sjálfsögðu er hernaðarleyndar-
mál. Þó svo að sami gerillinn sé notaður og annars staðar er
mjólkin ekki nema sólarhringsgömul þegar henni er tappað á
og betra getur það vart orðið.
A tilraunastofu mjólkurbússtjórans logar alltaf Ijós og eftir
tveggja ára undirbúningsvinnu og þrotlausan vöfflubakstur
kom tilbúið vöffludeig í eins lítra umbúðum á markaðinn fyr-
ir rúmu ári síðan. Af viðtökunum að dæma renna vöfflumar
ljúflega niður og hver veit nema pönnukökudeig sé næst.
Margrét Björgúlfsdóttir er blaðamaður Skýja.
Hún er komin áfullt í vöfflubakstur.