Ský - 01.02.2001, Blaðsíða 38

Nonni Ragnarsson og Hallur Heiðar Hallsson reka svitatjald í Elliðaárdal. Tilurð þess má
rekja til þess að Hildur Hauksdóttir, móðir Bjarkar Guðmundsdóttir, stóð fyrir komu töfralæknis hingað til lands en hann
hjálpaði þeim Nonna og Heiðari að reisa þetta tjald. Hann kom hingað í tvö ár, en eftir að honum var orðið Ijóst að tjaldið
myndi standa hvarf hann á brott og hefur ekki sést síðan. í maímánuði næstkomandi hefur svitatjaldið verið kynt í tíu ár.
Svitagestir hafa skipt þúsundum og verið á öllum aldri; frá ársgömlum til áttræðra.
Hvaö eruð þið að bauka?
„Það er ekki gott að segja - okkur skortir
orð til að lýsa því sem við höfum fyrir
stafni. Þetta er athöfn sem ætlað er að
hreinsa andann, líkamann, sálina og
tilfinningarnar. Við erum ekki að reyna að
vera indíánar, við erum íslendingar. Við
höfum haldið í athöfnina og helgisöngvana
en förum okkar eigin leiðir í útfærslunni.
Athöfnin tekur um fimm tíma og eftir það
sitja þátttakendur áfram í hálfa aðra
klukkustund. Þeir sem mæta fastandi til
athafnarinnar eru líklegastir til að fá vitrun
meðan á henni stendur.
Allt það sem mæðir á mönnum þegar þeir
koma gleymistí hita leiksins. Menn Ijóma
á eftir og finnst þeir aldrei hafa verið
jafnhreinir.
Fyrsta umferð hreinsar hugann og í þeirri
næstu hreinsast líkaminn. í þriðju umferð
biðjum við fyrir öðrum en í þeirri fjórðu
biðjum við fyrir okkur sjálfum. I fimmtu
umferð þökkum við Móður jörð og Föður
himni fyrir frumefnin.
Við færum móður jörð vandamál okkar
vegna þess að hún ein getur gert gott
úr þeim.
Guð (alheimsandinn, skaparinn) hefur fært
mönnunum þetta, þeim til hreinsunar."
36 SKÝ ENDURREISN HOLDS OG ANDA