Ský - 01.02.2001, Blaðsíða 31

„íhaldið hafði mjög sterka
skoðun á því hver ætti að
verða sjónvarpsstjóri árið
1990 þegar við tókum við
Stöð 2 og ég hafnaði því.“
Björn Bjarnason menntamálaráðherra
hefur verið iðinn við að senda þér tóninn í
pistlum á heimasíðu sinni; hefur þig aldrei
langað til að svara honum? Nei, ráðherrar
koma og fara. Ég veit ekki af hverju ég
ætti að svara honum og skil reyndar ekki
af hverju hann nennir að vera að skrifa um
mig. Hann hlýtur að hafa mjög lítið að gera.
rmw
„Ég hef nú talið það mér
til tekna að þegar Davíð
fór í framboð til borgar-
stjórnar 1978 lánaði ég
honum skrifstofu Skífunnar
og síma fyrir prófkjörið í
Sjálfstæðisflokknum."
En er þetta ekki ákveðið hrós fyrir þig að
menntamálaráðherra og einn helsti for-
ystumaður stærsta flokks landsins, skuli
skrifa reglulega um þig? Nei, ég verð að
segja eins og er að mér finnst þetta mjög
undarlegt allt saman. Það er líka athyglis-
vert að ráðherra sem fer með málefni út-
varps og sjónvarps sjái sig knúinn til þess
að niðurlægja eitt fyrirtæki og hrósa öðru
eins og hann gerði í pistli á dögunum. Ég
held að þetta myndi hvergi gerast annars
staðar í hinum vestræna heimi. Auk þess
er hann líka að kasta steinum úr glerhúsi.
Hann segir að ég sé sá í hópi fjölmiðlaeig-
enda sem helst láti kveða að sér á gráu
svæði milli fjölmiðla og stjórnmála um
þessar mundir. Fyrir það fyrsta er þetta
ekki rétt og í öðru lagi ætti hann að líta
sér nær. Ég sé ekki betur en Sjálfstæðis-
flokkurinn sé með þá stöðu sem hann vill
hafa í öllum fjölmiðlum á íslandi, nema hjá
okkur í Norðurljósum.
Þá ert þú væntanlega að tala um að í hópi
eigenda og stjórnenda Morgunblaðsins,
DV og Skjás 1 sé fólk sem gegnir eða hefur
gegnt trúnaðarstörfum fyrir Sjálfstæðis-
flokkinn, og sjálfstæðismaður er útvarps-
stjóri RÚV? Við þurfum ekki að tíunda
þetta, en dæmin eru nærtæk. Allir þekkja
hvernig saga Morgunblaðsins og Sjálf-
stæðisflokksins tvinnast saman, fjölskylda
fyrrverandi formanns flokksins á einn
stærsta hlutinn í Árvakri og stýrir útgáfu
blaðsins í dag. Kjartan Gunnarsson, fram-
kvæmdastjóri Sjálfstæðisflokksins, situr í
stjórn Frjálsrar fjölmiðlunar og hann er
einnig formaður útvarpsréttarnemdar sem
er með öllu óeðlilegt. Hjá Skjá 1 er meiri-
hluti eigenda dyggir Sjálfstæðismenn
þannig að flokkurinn hefur komiö sér vel
fyrir þar. Og í ríkissjónvarpinu ræður Sjálf-
stæðisflokkurinn því sem hann vill ráða.
Ég held að það sé misskilningur ef menn
halda að þeir verði eitthvað stærri á stjórn-
málasviðinu með þvt að hafa menn í
stjórnum fjölmiðla. Ég held að þjóðin dæmi
þessa menn af verkum þeirra t rtkisstjórn
og á Alþingi en ekki af þvt hvort þeir sitja í
stjórn fjölmiðla.
Ýmsum hefur orðið tíðrætt um meint
tengsl þín við R-listann. Það rétta t þvt
máli er að þegar R-listinn náði völdum I
Reykjavík hafði ég ekki haft nein afskipti
af honum eða hann af mér. Ég þekkti til
dæmis ekki Ingibjörgu Sólrúnu og ég man
ekki hvort ég þekkti nokkurn á þeim lista
sem var í framboði. Þegar við Ingibjörg
Sólrún hittumst á ýmsum mannamótum
eftir kosningarnar tókum við tal saman og
hlógum að þessum sögum. Og þannig má
segja að sögusagnirnar hafi orðið til þess
að við kynntumst og erum í dag ágætir
kunningjar. Svipaða sögu er að segja af
kunningsskap okkar Ólafs Ragnars, en
menn eignuðu mér að hafa stutt hann í
kosningabaráttunni. Ég lagði ekkert fé til
framboðs hans fyrir kosningar. Ég studdi
hann hins vegar þegar til mín var leitað
eftir kosningarnar. Og hið sama á reyndar
við um alla stjórnmálaflokka. Ég hef lagt
fé til allra flokka og þar er Sjálfstæðis-
flokkurinn ekki undanskilinn.
Almennt er ég meira hrifinn af einstakling-
um I pólitík en flokksstefnum. Traust og
heiðarleg manneskja í stjórnmálum er
meira virði en allt annað. Þess vegna er ég
mun hrifnari af því kosningafyrirkomulagi
sem er hér í Bretlandi en á íslandi, það er
að segja einmenningskjördæmum þar sem
maður kýs einstakling en ekki flokkslista.
Því hefur verið haldið fram að þú hafir
ætlað að taka Samfylkinguna upp á þína
arma, en ekki litist á þann söfnuð og því
ákveðið að styrkja Framsóknarflokkinn
frekar?
Þú hlærð bara?
Það er ekki hægt annað.
Hvað finnst þér um forsætisráðherrann?
Hann er auðvitað snjall. Verk hans tala fyrir
sig sjálf. Á valdatíma hans, og samstarfs-
flokka hverju sinni, hefur margt breyst.
Frelsi í viðskiptum hefur aukist, ýmis höft
horfið og við höfum færst nær Evrópu með
ýmis mál. Davíð hefur verið farsæll og
afgerandi stjórnmálamaður. Hann er
skörungur og skemmtilegur maður. Ég hef
nú talið það mér til tekna að þegar Davíð
fór í framboð til borgarstjórnar 1978 lánaði
ég honum skrifstofu Skífunnar og síma fyrir
JÓN ÓLAFSSON SKÝ 29