Ský - 01.02.2001, Blaðsíða 49

forneskjuleg miðað við það sem er að gerast í
heiminum í dag. í Mið-Evrópu er miklu lengri
hefð fyrir óhefðbundnum lækningum en hér
heima og margir læknar í Þýskalandi stunda tll
dæmis hómópatíu meðfram sinni sérgrein.
Smáskammtalækningar standast samt engan
veginn vísindalegar rannsóknir þar sem hver
remedía er svo útþynnt að það finnst ekki eitt
einasta mólekúl í lausninni. Því er mjög erfitt að
skilja af hverju hún ætti aö virka."
Engin ríkisafskipti?
Flestir sem starfa að óhefðbundnum lækning-
um hafa ekki starfsleyfi. Raddir hafa heyrst um
að læknastéttin sé fyrst og fremst að gæta eig-
in hagsmuna og vilji þannig koma í veg fyrir að
óhefðbundnir læknar taki af þeim viðskiptin. Ný-
lega voru stofnuð regnhlífarsamtök óhefðbund-
inna lækna hér á landi. Þeirra krafa er að heil-
brigðisyfirvöld kembi hinn óhefðbundna heil-
brigðisgeira og setji skýrari reglur um þá sem
mega starfa til þess að þeir fái opinbert starfs-
leyfi.
„Við hjá Acupunkturfélagi íslands höfum
margoft sent heilbrigðisráðuneytinu og land-
læknisembættinu bréf, en aldrei fengið nein
svör,“ segir Arnbjörg Linda. „Um leið og fólk er
komið með starfsleyfi í heilbrigðisgeiranum tek-
ur Tryggingastofnun þátt í kostnaðinum og það
er eitthvað sem heilbrigðisyfirvöld vilja ekki
veita hverjum sem er. Við sækjumst hins vegar
ekki endilega eftir þeim áfanga, heldur því að fá
að starfa löglega við okkar grein og að þurfa
ekki að rukka viðskiptavini okkar um virðisauka-
skatt. Þar fyrir utan þarf að setja ákveðinn
gæðastuðul á þessa starfsemi og skýrari
reglur."
Matthías aðstoðarlandlæknir kveðst leiður
yfir því að bréfunum hafi ekki verið svarað en
sökum mikilla anna hjá embættinu þurfi að for-
gangsraða verkum eftir mikilvægi þeirra.
„Auðvitað er það bara almenn kurteisi að
svara bréfum, en ríkið á ekki að vera með nefiö
ofan í öllum hlutum. Það er óvinnandi vegur fyrir
embættiö að fínkemba þennan geira. Það er
ekki hlutverk lækna að hafa vit fyrir fólki. Við
höfum ekki fengið margar kvartanir vegna ó-
hefðbundinna lækninga þótt vitað sé aö fjöl-
margir kuklarar séu að störfum. Heilbrigðisyfir-
völd eru ekki bótaskyld gagnvart ólöglegri starf-
semi og fólk ber sjálft ábyrgö á sínu vali. Þaö
getur þó verið mjög alvarlegt þegar kuklari, sem
búinn er að fara á eitt helgarnámskeið og telur
sig kunna eitthvað, fer að greina fólk með sjúk-
dóma og við reynum aö hafa eftirlit með því
hvort loddarar séu að hafa fé af illa veiku eða
dauövona fólki. Einnig grípum við inn í ef með-
ferð er augljóslega skaðleg," segir Matthías.
Lithimnulestur
Augun er spegill sálarinnar, segir hið fornkveðna, enda sjálfstætt
framhald heilans sem geymir upplifanir og minningar mannsins. I
lithimnulestri, sem er augnskoðun framkvæmd með sterku Ijósi og
stækkunargleri, er lesið í erfðaefni og efnivið forfeðranna aftur um
sjö ættliði, en einnig gægst inn í sjö ættliöi framtíðar. Hvort auga
um sig sýnir ástand ýmissa líffæra sem svo endurspegla lífs-
reynslu, erfiöleika, áföll og sjúkdóma. Algengt er að tekin sé Ijós-
mynd af augunum t byrjun meðferðar, þegar ráðleggingar eru gefn-
ar, og svo aftur seinna þegar glöggt má sjá miklar breytingar á lit-
himnunni. Að sögn Fannýjar Jónmundsdóttur, sem stuðlaði að
vakningu fræðanna hér á landi, skilar heilbrigt líferni sér í skýrum
og hreinum augum á sama hátt og óheilbrigði sést á möttum og
daufum augum. Eftir meöferð kemur breyting á lithimnu ekki strax
fram, en fljótlega þó. Þar sem hver einstaklingur er einstakur að
upplagi vinnur hann úr sínum áföllum á mismunandi hátt. Þannig
geta eineggja tvíburar haft ólíka lithimnu þrátt fyrir svipaða lífs-
reynslu. I lithimnunni fæöast mislitar skellur í kjölfar hverrar lífs-
reynslu og úr þeim má lesa hvernig einstakiingurinn hefur unnið úr
sínum málum og síðari tíma atvik. Með lithimnulestri má einnig sjá
fyrir hugsanlega skaða, sjúkdóma og streitu. Minnisleysi og kölkun
sést til dæmis mjög fljótt í lithimnunni og þykir tiltölulega auövelt
að fyrirbyggja frekari afglöp. Aðgerðir felast þá giarnan í aukinni
hreyfingu til að fá ferskt loft í lungun og sólskini, en sólarljósið er
augunum nauðsynlegt og skortur á því sannanleg ávísun á þung-
lyndi. Fanný bendir á að oft hafi undirliggjandi alvarlegir sjúkdómar,
sem ekki hafa greinst þrátt fyrir ómskoðun og röntgenmyndatöku,
sést glögglega í lithimnulestri og munu læknar um víða veröld nota
þessa óheföbundnu tækni sem hjálpartæki við meðferð skjólstæð-
inga sinna.
„Lithimnulestur er jafngamall mannkyni. Indíánar nota lithimnu-
lestur mikið og íslenskir bændur hafa horft I augun á hestunum
sínum um aldir. Þannig voru glaseygðir hestar oft felldir vegna
þess að þeir þóttu varhugaverðir og heilsutæpir," upplýsir Fanný.
íslendingar hafa numiö fræðin af indverska lithimnufræðingnum
Faridu Sharan og kostar hver heimsókn til sérfræðings um 6.000
krónur með myndatöku.