Hönnun: húsgögn og innréttingar - 01.09.1987, Síða 16

Magnús Kjartansson, myndlistarmaður og Kolbrún Björgólfsdóttir,
keramiker, ræða um listina, hönnun, fortíð, framtíð og allt þar á milli. . .
eftir Jónínu Leósdóttur
Myndir:
Guðmundur Ingólfsson
Páll Stefánsson
Sumarið '87 hefur verið
heilsuræktartímabil hjá þeim
Magnúsi Kjartanssyni og Kolbrúnu
Björgólfsdóttur. Magnús lyftir
lóðum og bætir á sig nokkrum
kílóum. Kogga stundar leikfimi og
borðar megrunarfæði. „Hún er
hryllilega vond við sig", sagði
Magnús og horfði á konu sína með
samblandi af undrun og aðdáun.
„Þessi líkamsræktaráhugi er til
orðinn vegna þess að við erum
vinnusamt fólk og gerum okkur
grein fyrir að til að geta haldið
líkamlegu þreki til frambúðar
verðum við að huga að þeim
málum. Annars eru áhugasvið
okkar afar fjölbreytt og iðulega
innritum við okkur á námskeið
varðandi hin ólíklegustu málefni,
en sækjum þau þó aldrei í
sameiningu."
Magnús og Kogga í Galleríinu Vesturgötu 5
16