Hönnun: húsgögn og innréttingar - 01.09.1987, Síða 35
ii"'««1'1i
tækifæri til, veitt ferskum straumi
inn á hönnunarsviðið, því oft má
finna í málverki og myndlist,
vaxtarsprota þess sem koma skal í
stíl og hönnun.
Hagnýt listhönnun á íslandi
hefur orðið nokkuð hornreka,
e.t.v. vegna þess að athyglinni
hefur lengstum verið beint í átt til
myndlistar almennt. Við höfum því
ekki getað stillt upp heilu
„landsliði" á hönnunarsviðinu,
þótt okkur takist það vel í öðrum
greinum sjónmennta.
Það kann að þykja nokkuð
djarfmannlega sagt og of laust við
skylduga minnimáttarkennd
smáþjóðar, að norræn hönnun hafi
Leirdiskur eftir sænsku leirlistakonuna
Hertu Hillfon
Lake Palace eftir Finnan Oliva Toikka
hreinlega vantað okkur íslendinga
í lið með sér, til þess að skerpa á
þori og vogun í þessa annars
pottþéttu og vönduðu hönnun,
sem t.d. mátti sjá á sýningunni.
Það var skemmtileg tilviljun til
mótvægis, að hinum megin við
vegginn var Kjarval gamli með
myndriss sín á rifnum
umbúðarpappír, nýkomnum upp
úr pappakössum, jafn hress,
frumlegur og óagaður og jafnan
fyrr.
Allir þeir sem að sýningunni
stóðu, Menningarmálanefnd
Reykjavíkur og félagið Form
ísland, eiga heiður og þökk fyrir
framtakið. Vonandi verður þetta til
þess að menn hugi á enn frekara
sýningahald og þá e.t.v. með nýrri
verkum, sem yrði hönnuðum enn
frekari hvatningtil dáða.
35