Hönnun: húsgögn og innréttingar - 01.09.1987, Blaðsíða 40

HÚSGÖGN SEM
VÖ^U ATHYGLI
Á BELLS CENTER í
KAUPMANNAHÖFN
ÍVOR,
Guðmundur Pálsson
Guðmundur Pálsson húsgagnaframleiðandi hóf
hönnun og framleiðslu á nýrri línu húsgagna árið 1985
úr gleri, plexigleri og stáli. G.P. hannar sjálfur alla
framleiðslu sína, en fagmenn, hver á sínu sviði smíða
hlutana, sem síðan eru settir saman á verkstæði G.P.
húsgagna.
Bjartsýnin réði ferðinni og með auknum umsvifum
fékk Guðmundur styrk frá Iðnlánasjóði og fleiri aðilum,
sem gerði honum fært að sýna nú í vor á
húsgagnasýningunni í BELLA CENTER í
Kaupmannahöfn.
Gerðar voru fjölmargar fyrirspurnir og eru nú í gangi
ýmsar hugmyndir um útflutning. Húsgögn þessi eru öll
þannig hönnuð, að hægt er að flytja þau í hlutum og
auðvelt að setja þau saman á áfangastað, en slíkt er
frumskilyrði fyrir hagkvæmum útflutningi.
Reynsla þeirra sem til útflutningstilrauna þekkja, er
að sjaldnast vinnast markaðir á einni sýningu, því
uppbygging trausts og tengsla í alþjóðaviðskiptum á
þessu sviði krefst mikils tíma og undirbúnings, ef vel á
til að takast. Geta má þess að G.P. er boðið að sýna
húsgögn sín í ABU DABI í Saudi Arabíu á næsta ári,
enda hafa þessi húsgögn vakið sérstaka athygli í
suðlægari löndum.
En, „hálfnað er verk þá hafið er" og gaman verður að
vita hvernig tekst að fylgja á eftir þessu fyrsta
strandhöggi G.P. á erlendri grund, en húsgögn þessi
hafa verið á innanlandsmarkaði um skeið og líkað vel.
Hér á opnunni má sjá sýnishorn af framleiðslu G.P.
húsgagna.
Þessi borðasamstæða á hjólum, með misháum glerplötum, var frumsýnd á Bella Center. Verslunarkeðja í Bandaríkjunum
sýndi henni töluverðan áhuga.
40