Hönnun: húsgögn og innréttingar - 01.09.1987, Síða 47

ímynda sér djúp staðfest milli
þessa tvenns (listar og skrautlistar).
Ef natúralistar hefðu ekki tvo
mælikvarða yrðu þeir að dæma
mestalla list heimsins ógilda,
svokallaða skrautlist afsaka þeir
sem annars flokks list sem eigi sæti
á óæðri bekk." (bls. 128)
Johansen finnst það stinga í stúf
að máríska (býzanska) turnlagið sé
vinsælt í byggingum skemmtistaða
eins og í Tívolí og þýðanda
bókarinnar Birni Th. Björnssyni er
mikið í mun að bæta inn dæmi úr
Reykjavík: „í Reykjavík eru einnig
dæmin svo sem „Næpan" á
Landshöfðingjahúsinu, sem trónir
yfir sjálfu Menntamálaráði
íslands!" (bls.98).
Ég held okkur væri hollt að líta
frekar meira til hinna jarphærðu
frænda okkar á Bretlandseyjum og
á Frakklandi. Pólitík og
menningarpólitík á þessari öld
hefur lítið sinnt þessum skyldleika
og nú er stöðugt meira reynt að
mjaka okkur inná hið
Skandinavíska áhrifasvæði.
Hönnunarsamkeppnir, sem ná
út fyrir hólmann, eru t.d. nær alltaf
takmarkaðar við Norðurlönd. Þetta
hefur aukið áhrif líflauss
Skandinavísks arkitektúrs og
lífssýnar á íslandi.
Ferskir straumar, líf og litir, gætu
aftur á móti fengist með að opna
samkeppnirnar til suðrænni
Evrópulanda og svo til Ameríku.
Höfundurinn er arkitekt. Hann lauk
doktorsprófi í hönnunarfræðum frá
Berkeley háskóla íKaliforníu síðastliðið
vor.
Látúnskúla úr íslenskum söðulreiða. Á kúlunni eru Rómanskir laufteinungar og
áttskiptar gotneskar blómkrónur. Vængirnir eru skreyttir bandfléttum Víkinga.
Kistill eftir Bólu-Hjálmar. Skrautlistin varðveittist lengst í nytjamunum og er
Hjálmar með síðustu skurðmeisturum í hinni aldagömlu íslensku hefð.
47