Hönnun: húsgögn og innréttingar - 01.09.1987, Qupperneq 73

innréttingaframleiðenda mjög
sterk.
Ekki er vafi á, að sú stefna að
auka sérhæfingu hefur verið rétt.
Innlendi markaðurinn er í reynd
mjög lítill til að byggja á
fjöldaframleiðslu, nema á þeim
vörum, sem seljast í miklu magni.
Þrátt fyrir smæð markaðarins, eru
hins vegar, a.m.k. að því er
heimilishúsgögn varðar, gerðar
sömu kröfur um fjölbreytni í vöru-
framboði eins og hjá
milljónaþjóðum. Tæknilega séð
væri auðvelt að framleiða flestar
eða allar þær margvíslegu gerðir
innfluttra húsgagna, sem seldareru
á innlendum markaði og er því
skiljanlegt að þá svíði, sem best
þekkja til þeirra mála, þ.e.
framleiðendur og húsgagnasmiði.
Slíkt markmið er þó algjörlega
óraunhæft, þar sem ekki gæti
orðið um arðbæra framleiðslu að
ræða. Sömuleiðis er óraunhæft að
ætla að ná sömu markaðshlutdeild
og var áður en fríverslun hófst,
enda er það ekkert keppikefli í
sjálfu sér. Samt sem áður eru
verulegir möguleikar til aukinna
landvinninga á innlendum
markaði, bæði á sviði
heimilishúsgagna, bólstraðra
húsgagna og annarar trjávöru.
Árangur hlýtur m.a. að byggjast á
góðri hönnun, hugviti og
útsjónarsemi með tilliti til
markaðarins.
Ekki skiptir minna máli, að sýnt
hefur verið fram á það með
dugnaði og áræði, að íslenskir
húsgagnaframleiðendur geta átt
fullt erindi á erlenda markaði. Að
byggja upp útflutning á þessu sviði
er þó mjög krefjandi og
kostnaðarsamt fyrir fyrirtækin. Þau
Vélbúnaður til styrkleikaprófunar
á húsgögnum hjá Iðntæknistofnun.
þurt'a nánast að endurskipuleggja
starfsemi sína frá grunni og ýmsum
stórum liðum þarf að bæta við,
sem lítt eða ekki þarf að sinna,
þegar framleitt er fyrir
heimamarkað. Aðalatriðið er þó,
að sýnt hefur verið fram á, að með
réttum undirbúningi getum við
verið samkeppnisfærir á
kröfuhörðustu erlendu mörkuðum.
Möguleikar okkar í þessu efni eru
að ýmsu leyti engu síðri en
erlendra keppinauta. Þessa
möguleika ber að nýta.
Fyrirgreiðsla við vöruþróun og
markaðsstarf iðnfyrirtækja er þó
ansi slök, ekki síst þegar aðrar
atvinnugreinar eru styrktar til að
„framleiða á haugana".
Umræða á opinberum vettvangi
um húsgagnaiðnað hefur
óneitanlega markast mjög af þeim
miklu erfiðleikum, sem við var að
etja fyrstu árin eftir að fríverslun
hófst. Það er hins vegar fyllilega
tímabært að almenningur og
ráðamenn átti sig á því, að veruleg
nýsköpun hefur átt sér stað í
húsgagnaiðnaði og iðngreinin er í
mikilli sókn.
Unnið aÖ framfaramálum
húsgagnaiðnaÖarins.
í Félagi húsgagna- og
innréttingaframleiðenda eru um 50
fyrirtæki, þar á meðal flestir
stærstu húsgagna- og
innréttingaframleiðendur, en
einnig smærri fyrirtæki og
húsgagnasmíðameistarar, sem
stunda sérsmíði og fleira. Auk þess
er starfandi Meistarafélag
húsgagnabólstrara og ennfremur
eru sumir húsgagnaframleiðendur
aðilar að Félagi íslenskra
iðnrekenda. Foks eru ýmis
verkstæði í innréttinga- og trésmíði
í félögum innan Meistara-og
verktakasambands byggingamanna
eða Sambandi
einingahúsaframleiðenda, sem
jafnframt eru aðilar að
Fandssambandi iðnaðarmanna.
Kjarasamningar í
húsgagnaiÖnaði.
Félag húsgagna- og
innréttingaframleiðenda er aðili að
Vinnuveitendasambandi íslands og
eru samningar um kaup og kjör, í
samstarfi við VSÍ, ásamt túlkun
kjarasamninga og útgáfu taxta um
kaup og útselda vinnu fastur og
mikilvægur þáttur í starfi félagsins.
Félagið er einnig aðili að
Fandssambandi iðnaðarmanna og
starfar í nánu samstarfi við það,
enda er skrifstofa félagsins hjá
Landssambandinu í Húsi
iðnaðarins. Félagið lætur sig varða
öll hagsmunamál iðngreinarinnar,
en segja má, að verkaskipting milli
samtakanna sé þannig, að
Landssamband iðnaðarmanna
vinni að þeim hagsmunamálum,
sem eru sameiginleg hinum ýmsu
iðngreinum, svo sem efnahags- og
atvinnumál, skattamál, tollamál og
lánamál. Félagið einbeitir sér hins
vegar að þeim málum, sem kalla
mætti sérmál húsgagna- og
trjávöruiðnaðarins.
Útboðs- og markaðsmál.
Auk kjarasamninga má nefna,
að félagið hefur látið útboðs- og
markaðsmál til sín taka. Hefur
verið fylgst með útboðum og
öðrum meiri háttar innkaupum á
húsgögnum og innréttingum og
reynt að sjá til þess, að
upplýsingar um væntanleg kaup
73