Hönnun: húsgögn og innréttingar - 01.09.1987, Page 80

Lýsing á skrifstofum.
Breytingar hafa einnig átt sér
stað á lýsingu á skrifstofum. Áður
var öll lýsing staðsett uppi við loft
og höfð var jöfn birta yfir allt
rýmið. Með þessum hætti þurfti
fleiri lampa til að ná upp nægilegu
Ijósmagni á vinnufletinum.
í dag er almennt farin sú leið að
höfð er almenn þægileg
grunnlýsing, staðsett uppi við loft.
Þar sem sérstakrar lýsingar er þörf
eru t.d. notaðir hangandi flúrosent
lampar, staðsettir yfir vinnufleti
m.a. til að eyða allri
skuggamyndun. Jafnframt eru
góðir borðlampar notaðir til að
lýsa afmarkað vinnusvæði. Þar
sem ekki er þörf á mikilli lýsingu
t.d. á göngum, í móttökum og
afgreiðslusölum, er gjarnan notuð
önnur tegund lýsingar til að móta
hlýlegt umhverfi, s.s. vegglampar,
blómalampar eða aðrir
skrautlampar.
Hér á landi eru hönnuðir og
eigendur mannvirkja fljótir að
tileinka sér nýjungar. Glöggt dæmi
um þetta og það sem koma skal,
sérstaklega hvað verslanir varðar,
er hið nýja verslunarhús Kringlan.
Þar hafa margir hönnuðir og
verslunareigendur lagt kapp á að
nota þessar nýju gerðir
lampabúnaðar, enda munu þessar
verslanir á allan hátt standast
samanburð við það sem best gerist
erlendis.
Enn eiga eftir að verða
byltingarkenndar breytingar í gerð
og hönnun lampabúnaðar og þar
með hönnun lýsingar. Hvernig
lampabúnaður framtíðarinnar
verður er óljóst og jafnvel eiga eftir
að verða grundvallarbreytingar í
tilhögun lýsingar. Talið er líklegt
að Ijósleiðarinn verði lausn
framtíðarinnar.
Þrátt fyrir fíngert útlit skilar þessi lampi víðri og góðri birtu á vinnuflötinn.
25 cm, h 61 cm, 20W, 12V
design: lumiance
Greinarhöfundur er Helgi Kr. Eiríksson, lýsingarhönnuður hjá LÚMEX,
sem er sérverslun með lampabúnað og ráðgjafarfyrirtæki á sviði
lýsingarhönnunar í verslunar-, skrifstofu- og íbúðarhúsnæði.
80