Skinfaxi - 01.02.2016, Qupperneq 23

SKINFAXI tímarit Ungmennafélags Íslands 23
VILLTA VESTRIÐ!
Vissir þú að....
KYRRÐIN
Það má víða á Vestfjörðum finna alveg
einstaka kyrrð. Vestfirðir hafa lengi verið
paradís göngugarpa og er hægt að fara
í margra daga ferðir og oft er hægt að
ganga í heilan dag án þess að hitta nokkra
lifandi sálu. Þurfir þú hvíld frá ys og þys
hversdagslífsins gæti verið notalegt að
setjast í fjöruna og slaka á og hlusta á
náttúruhljóðin og ekkert annað.
FJÖLL OG FIRÐIR
Þeir sem heimsækja Vestfirði taka eftir
bröttu fjöllunum og löngu fjörðunum.
Það er einmitt þetta landslag sem gerir
Vestfirði einstaka og er einnig stór þáttur
í þeirri afþreyingu sem er í boði á svæð-
inu.
Fjöllin okkar eru fullkomin fyrir göngur
að sumri og fyrir fjallaskíði að vetri og ættu
flestir að gera fundið sér brekku við sitt
hæfi.
Firðirnir okkar veita gott skjól fyrir alls
konar sjávartengda afþreyingu, bátsferðir,
hvalaskoðun og kajakferðir.
Á SJÓ
Á Vestfjörðum eru oft kjöraðstæður fyrir
alls konar ævintýri á og við sjó. Þröngir
firðir veita gott skjól og gera okkur kleift
að stunda sport eins og sjókajak. Mikið er
um bátsferðir á Vestfjörðum og má þar
nefna meðal annars sjóstangveiði, RIB-báta-
ferðir og fuglaskoðunarferðir á bátum.
- Það tekur þig rétt rúmlega tvo klukkutíma að keyra frá Reykjavík
og inn á Vestfirði, það tekur um 5 tíma að keyra til Ísafjarðar.
- Í Arnarfirði má finna margar tegundir sjóskrímsla og ef þú sérð þau
ekki þar þá getur þú litið inn í Skrímslasafnið.
- Á Vestfjörðum má finnar margar ljósar strendur.
- Mesta arnarvarp Íslands er að finna í Reykhólahreppi.
- Nær helmingur strandlengju Íslands er á Vestfjörðum.
- Það er bundið slitlag alla leiðina frá Reykjavík til Ísafjarðar.
- Það er flogið á þrjá áfangastaði á Vestfjörðum, Ísafjörð, Bíldudal
og Gjögur.