Verzlunartíðindi - 01.08.1962, Blaðsíða 19

urðu hér við land á s. 1. vetri. Aðdragandi þessa máls
vár sá, að tveir ungir og duglegir meðlimir í Félági
matvörukaupmanna komu að máli við mig og
höfðu orð á, hvort ekki væri vel til fallið, að Kaup-
mannasamtökin létu þetta mál til sín taka á eiml eða
annan hátt og sýndu í verki vilja sinn til að verða
þessu bágstadda fólki að liði. Þannig atvikaðist það,
að við ákváðum að snúast á sveif með þessari fjár-
öflunarnefnd og er það skemmst frá að segja, að nið-
urstaðan varð sú, að haft skyldi jafnframt samstarf við
önnur hliðstæð félagasamtök og urðu þar fyrir valinu
Félag ísl. stórkaupmanna og Félag ísl. iðnrekenda.
Aðilar frá þessum samtökum unnu ásamt okkur að
þeirri fjársöfnun, sem efnt var til og kunnugt er um
af fréttum. Árangur þessarar fjársöfnunar varð allgóð-
ur og auðnaðist okkur að skila fjáröflunarnefndinni
rösklega 183 þúsundum króna.
Merki K.t.
Af ýmsum málum sem við höfum haft til meðferð-
ar og athugunar á s. 1. starfsári má meðal annars geta
þess, að í athugun er tilbúningur á merki fyrir Kaup-
mannasamtökin. Það mál er ekki komið það langt, að
niðurstöður liggi fyrir ennþáogþvísíður hvernig vænt-
anlegt merki skuli notað. Það eru uppi ýmsar raddir
um með hvaða hætti það skuli notað. Mjög margir hall-
ast að því, að ekki sé ástæða til að samtökin séu að gefa
út merki sem menn beri í barmi sínum dags daglega,
mikið sé af slíku frá hinum ýmsu félögum og meðlim-
ir samtakanna séu meira og minna meðlimir í öðrum
samtökum og beri þar af leiðandi þeirra merki. Ffins
vegar virðast menn nokkuð einhuga um, að æskilegt
sé að samtökin hafi yfir að ráða merkjum til að veita
meðlimum sínum í viðurkenningarskyni fyrir mikið,
langt og óeigingjarnt starf í þágu stéttarinnar. Sömu-
leiðis hefur skotið upp kollinum þeirri hugmynd, að
ekki væri úr vegi að merki samtakanna væri haft i
frammi í hverju fyrirtæki og stofnun, sem meðlimur
væri í okkar samtökum. Loks hefur komið fram sú
hugmynd að t. d. á umbúðapappír, sem fluttur er inn
til landsins í stórum stíl og notaður meira og minna
af öllum meðlimum samtakanna, væri áprentað merki
samtakanna, í auglýsingaskyni fyrir okkar starf og til
að efla enn frekari samheldni okkar og samstöðu á
sem flestum sviðum. Athugun á því hvers konar merki
og hvaða hugmyndir komi til greina er haldið áfram
og vænti ég að niðurstöður liggi fyrir áður en mjög
langt um líður og mun þá stjórn samtakanna væntan-
lega taka frekari afstöðu til þessa máls.
Jóla- og nýárskveðjur.
Um s. 1. áramót eða skömmu fyrir jól, gerði stjórn
samtakanna með sér þá ályktun, að meðlimum sam-
takanna skyldi gefinn kostur á að auglýsa jóla- og
nýárskveðjur sínar sameiginlega undir merkjum sam-
takanna. Með þessu móti mundi meðlimum okkar að
nokkru komið til aðstoðar í þeirri látlausu ásókn ýmis
konar blaða og tímarita um að fá að birta jóla- og
nýárskveðjur, sem segja má að í mörgum tilfellum
hafi lítið sem ekkert auglýsingagildi, en fyrst og fremst
VERZLUNARTÍÐINDIN
67