Verzlunartíðindi - 01.08.1962, Side 21

MAGNÚS GUÐMUNDSSON:
etyucjlei&incjcir um verzlunargl uggaskreyt íngar
EFTIR að Verzlunartiðindunum barst eftir-
farandi grein Magnúsar Guðmundssonar
hafa þau fregnað, að hann hafi stundað nám
í blóma- og gluggaskreytingum við Beder-
skólann hjá Arhus í Danmörku og lokið
þaðan prófi. Siðan vann hann að útstilling-
um og blómaskreytingum hjá verzlunum i
Kaupmannahöfn hátt á þriðja tír, en kom
heim til Islands í desember s.l. og hefur
unnið i blómabuðinni Rósinni frá þvi.
egar fólkið þarfnast vöru í einhverri mynd
leitar það til verzlunarinnar og ef litið er
yfir vöruþörf almennings, sjáum við að verzlan-
ir hafa stóru hlutverki að gegna í þjóðfélaginu,
enda hafa þær skipt með sér hlutverkum eftir
því hvaða vörutegundir þær hafa fram að bjóða,
eins og t. d. ýmis konar tæki til þess að létta
störfin og að sjálfsögðu matvælin, sem við get-
um naumast án verið, og svo allan fatnaðinn,
sem er okkur til skjóls og hlífðar, og þá eigi
sízt ýmislegt til að fegra og snyrta okkur og
einnig í kringum okkur, innan húss og utan, —
án efa eru tómstundir og hugðarefni bráðnauð-
synleg.
Notið gluggann betur.
Hver einstök verzlun þarf að stuðla að því að
kynna vörurnar fyrir kaupendum. Flestar verzl-
anir eru svo úr garði gerðar að hafa sýningar-
glugga, er létta kynningarstarfið til muna og
ættu verzlanir að leggja meiri rækt við að nýta
þá. Glugginn er hluti af verzluninni og ber fyrst
við augu þeirra, er leið eiga fram hjá og er þar
af leiðandi þýðingarmeiri en margur heldur.
Sé vandað til gluggans og uppsetningu var-
anna, er ég sannfærður um að það stuðlar
að aukinni sölu fyrir viðkomandi verzlun, en
aftur á móti sé glugginn lítið eða illa hirtur, er
hætt við að hann virki fráhrindandi á væntan-
lega viðskiptavini.
í dag er fólkið oftast á hraðri ferð, þess vegna
þurfum við að vinna þetta verk faglega, svo
það skapi löngun hjá fólkinu til að stanza and-
artak og líta inn til yðar og ræða um viðskiptin.
Vandaður gluggi og skreyting hans.
Um vandaða verzlunarglugga og skreytingu
þeirra má rita margar bækur, en hér nefni ég
nokkur atriði:
A) Ljósaútbúnaðurinn þarf að vera svo úr garði
gerður, að birtan nái niður á útstillinguna
og lýsi hana upp.
B) Litavalið á botni og veggjum gluggans þarf
að vera í mótljósi við litina á vörunum til
þess að þær verði sem mest áberandi; það
þarf alltaf að hafa litasamsetninguna í huga,
annars er hætt við að útstillingin missi marks.
Gluggaskrey t ing.
Stefna ber að því, að uppstillingin sjáist sem
bezt utan frá götunni, helzt svo að hún veki
athygli þeirra er aka fram hjá.
Það færi vel á að tekið sé tillit til árstíðanna,
sumarið er í nánd og því tilvalið að færa það inn
í gluggana. Sem dæmi minnist ég á vefnaðar-
vörur. Verzlunum, er hafa margvísleg efni skal
bent á, að vafasamt er að setja of mikið út í
gluggann, þar sem of margir litir og mismun-
andi efni skemma sambygginguna í útstilling-
unni.
Skiptið um skreytingu og leggið faglega hönd
við að finna þá liti og efni, er fara saman. Með
því fáið þér heilsteyptari og meira áberandi út-
stillingu; með því sýnið þér viðskiptavinum yð-
ar, að þér hafið ávallt fjölbreytt vöruval.
Magnús Guðmundsson.
líankastræti 7 - Sími 16 400.
VERZLUNARTÍÐINDIN
69