Bókasafnið - 01.01.2001, Page 37

Sindri Freysson
þögn á kostnað viðtakanda
Samband mitt við heiminn
er í gegnum gervihnött
Fjarlægðin gerir allar raddir eins
því orðin eru hluti af geimnum
og þau eiga hvergi rætur og festir ekki
Ég borga símtalið án þess að vera
viss um hver er að hringja og hver
hlær og hver þegir
Einsog með títuprjóna milli varanna
Ákaflega dýr þögn
og verri en þögnin
sem heimsækir mig einsömul
og er þægilega viðutan
bakvið minnið
Sagðirðu bakvið minnið, spyr hún
skrýtinn titill
ef hún fjallar um heilann
þá eru fræðiritin á annarri hæð
Ljóð ítreka ég, ljóð og nefni
höfundinn aftur og að ég muni
ekki heitið allt en það var
næstum örugglega
bakvið minnið
frekar en minnið bakvið eitthvað
eða minnið bakað
Eftir heimskulega leit
átta ég mig á að okkur
vantaði allan tímann útlínur
(harði kjarninn (njósnir um eigið líf), Forlagið, 1999)
BÓKASAFNIÐ 25. ÁRG. 2001
35