Heima er bezt - 01.02.2006, Blaðsíða 45

áður. Kærleikur konunnar sem situr við hlið henni, hefur
opnað hennar blinduðu sálarsjónir og hún sér líf sitt allt í
nýju ljósi.
- Guð almáttugur, fyrirgefðu mér, stynur Björg upp og
tárin renna í stríðum straumum niður kinnar hennar. Sigrún
skynjar að stór boðaföll mannlegra tilfmninga rísa og hníga
í sál gömlu konunnar á þessari stundu og hún bíður hljóð.
Öldurnar lægir smá saman og Björg svarar klökkum rómi:
- Síst af öllu átti ég skilið þetta mikla miskunnarverk af
ykkur hjónunum. Getið þið fyrirgefíð mér?
- Já, er svarað að framan og í sömu andrá gengur Sverrir
Karlsson inn í herbergið. - Við vörpum öllu því illa úr fortíðinni
í ævarandi djúp gleymskunnar Björg. Eg vona að þér geti
liðið sæmilega í nýju vistinni. Tekur þú ekki undir þetta með
mér Sigrún mín, spyr hann og lítur á konu sína.
- Jú, það er eins og talað út úr hjörtum okkar beggja,
svarar hún að bragði.
- Guð blessi ykkur hjónin bæði, líður af vörum gömlu
konunnar, en jafnskjótt hnígur hún niður í rekkjuna örmagna
og yfirkomin af þreytu. Sigrún rís þegar á fætur. - Viltu fara
að sofa og hvíla þig Björg mín, spyr hún hlýjum rómi og
strýkur tár af hrukkóttum kinnum gömlu konunnar.
- Já, helst núna strax ef ég má, svarar Björg í
bænarrómi.
- Að sjálfsögðu máttu það, þú átt að hafa þetta herbergi til
þinna nota og sofa í þessari rekkju, segir Sigrún og hjálpar
Björgu að rísa upp af hvílunni á meðan hún hagræðir sængum
og svæflum fyrir hana. Svo leggst Björg til hvíldar, býður
hjónunum góða nótt og lokar þreyttum brám. Og hamingjuböm
dagsins hverfa hljóðlega á brott.
* * *
Gömlu hreppsstjórahjónin ásamt Sverri litla, sitja inni í
gestastofu og ræða saman. Hjá þeim hjónunum hefur vaknað
óljós grunur um einhverja nýbreytni á heimilinu, sem þau
vilja fá staðfestan eða kveðinn niður. Dyr gestastofunnar
standa opnar og djúp kyrrð ríkir yfír öllu. Brátt leiðast þau
Sverrir og Sigrún inn í stofuna og nema staðar á miðju gólfí.
Þorgerður lýtur brosandi á son sinn og tengdadóttur og segir
glöðum rómi:
- Þá er þessi blessaður heilladagur senn á enda runninn,
börnin mín.
Framhald í nœsta blaði.
m m
Oryggishnappur
Öryggi
í hendi
Með Öryggishnappnum þarf aldrei meira
en EITT handtak til að kalla eftir aðstoð.
1. Þrýst er á Öryggishnappinn.
2. Boð berast til Öryggismiðstöðvarinnar.
3. Talsamband opnast í gegnum hljóðnema
og hátalara.
4. Öryggisvörður með lykla er sendur á staðinn
og/eða viðeigandi læknaþjónusta til aðstoðar.
Hringdu núna!
Við erum á vakt allan sólahringinn
530 2400
ÖRYGGISMIÐSTÖÐIN
BORGARTÚNI 31 • SÍMI 530 2400 • WWW.ORYGGI.IS