Fréttir - Eyjafréttir - 21.12.2023, Qupperneq 2
Útgefandi: Eyjasýn ehf. - kt. 480278-0549
Ægissgötu 2 - 900 Vestmannaeyjum.
Ritstjórn og ábyrgð: Ómar Garðarsson og Sindri
Ólafsson - omar@eyjafrettir.is - sindri@eyjafrettir.is.
Umbrot: Leturstofa Vestmannaeyjum ehf.
Ljósmyndir: Blaðamenn Eyjafrétta.
Prentun: Stafræna Prentsmiðjan ehf.
Sími: 481 1300
Netfang: frettir@eyjafrettir.is.
Auglýsingar: auglysingar@eyjafrettir.is
Veffang: www.eyjafrettir.is
EYJAFRÉTTIR er áskriftarblað.
Eftirprentun, hljóðritun, notkun ljósmynda og
annað er óheimilt nema heimilda sé getið.
Vinnslustöðin hefyr fest kaup
á hollenskum tæknibúnaði sem
breytir sjó í drykkjarvatn. Sjó er
dælt úr borholum í gegnum öflugt
síukerfi sem eingöngu hleypir
í gegnum sig vatnssameindinni
H2O. Með öðrum orðum breytist
sjór í ferlinu í tandurhreint vatn
sem laust er með öllu við bakterí-
ur, veirur og yfirleitt allt annað en
sjálfa vatnssameindina H2O.
Fullnægir allri vatnsþörf
Búnaðurinn afkastar alls um 1.800
tonnum ef allar gámar væru virkj-
aðir samtímis. Full afköst svara
með öðrum til þess að fullnægja
mestallri vatnsþörf heimila og
fyrirtækja í Vestmannaeyjum.
Willum Andersen, tæknilegur
rekstrarstjóri Vinnslustöðvarinn-
ar, hóf ákafa leit að tæknibúnaði
þessarar náttúru eftir að vatns-
leiðslan til Eyja skemmdist við
það að akkeri Hugins VE festist
í henni. Willum hafði reyndar
skyggnst nokkuð um bekki eftir
svona búnaði áður þegar fyrir lá
að Vinnslustöðin fengi ekki það
vatn sem hún þyrfti til starfsemi
sinnar ef og þegar loðnuvertíð
hæfist í vetur.
100 milljónir stykkið
Dælurnar í gámunum eru rafdrifn-
ar, nota tiltölulega lítinn straum
og teljast því ekki dýrar í rekstri.
Willum sagði í samtali við Eyja-
fréttir uppgefna orkunotkun vera
3,6 kWh á m3. „Fyrsti gámurinn
er við það að leggja af stað til
íslands og erum við að vona að
hann verði kominn til landsins á
milli jóla og nýárs.“ Alls eru þrír
gámar á leiðinni til Vestmanna-
eyja og gerir Willum ráð fyrir að
hver um sig kosti 90-100 milljónir
hingað kominn.
Varúðarráðstöfun
Willum segir að ekki standi til
að notast við þennan búnað að
staðaldri. „Við erum fyrst og
fremst að kaupa þetta sem varúð-
arráðstöfun, það liggur ljóst að
við munum ekki fá vatn í loðnu-
vertíð, því þrýstingurinn hefur
verið lækkaður á lögninni. Hvað
síðar gerist eftir að við verðum
búnir að koma þessu í gang kemur
í ljós en næsta víst er að þetta er
hagkvæmur kostur til framleiðslu
á vatni. Síutækni til að hreinsa
sjó og gera drykkjarhæfan er vel
á mörgum stöðum erlendis, til
dæmis í Flórída í Bandaríkjun-
um, á Arabíuskaga og í mörgum
Afríkuríkjum.“
Fleiri möguleikar
Hann segist aðspurður um hvort
hægt sé að nýta það sem síða
verður frá einhvern hátt segir
hann að það verði skoðað. „Þar
sem við erum með mjög hreinan
jarðsjó, þá er það sem kemur í
affall frá kerfinu bara pækill, við
erum ákveðnir í að skoða það
hvort það nýtist okkur til saltfisk
framleiðslu, það gæti alveg eins
verið hagkvæmt að framleiða salt
úr því, mun minna sem þyrfti að
eima úr því. En við eru fyrst og
fremst að ná okkur í vatn.“
Hann segir lítið mál að tengja
þennan búnað inn á það kerfi sem
á að nota hverju sinni. „Það er
mjög auðvelt að tengja þetta inná
sjóinn en það þarf millitank og
þrýstiaukakerfi til að tengja inná
bæjarkerfið, það‘ er ekki svo erfitt
og kostar ekki mikið.“
Mynd er frá hollenskum framleiðanda búnaðarins.
Neysluhæft vatn úr sjó
Willum Andersen. Mynd Addi í London.
- hluti af samfélaginu síðan 1974
Það er einfalt að gerast
áskrifandi á eyjafrettir.is