Fréttir - Eyjafréttir - 21.12.2023, Qupperneq 26

26 | | 21. desember 2023
Þann 1. desember sl. lauk al-
mennu hlutafjárútboði Ísfélags
hf. Óhætt er að segja að afar
vel hafi tekist til en alls bárust
6.500 áskriftir að andvirði um 58
milljarða króna sem samsvarar
tæplega fjórfaldri eftirspurn. Seld
voru um 14,5% hlutafjár félagsins
og í kjölfarið var Ísfélag skráð
á Aðalmarkað Nasdaq Íslands.
Um tímamót er að ræða í sögu
þessa elsta starfandi hlutafélags
landsins.
Arion banki, ásamt Íslandsbanka
og Landsbanka, var umsjónar-
aðili útboðsins. Arion hefur um
árabil verið lang atkvæðamestur
íslenskra banka í skráningum en
bankinn hefur t.a.m. komið að
níu af síðustu tíu skráningum í
íslensku kauphöllina. Bankinn
hefur jafnframt verið leiðandi í
þjónustu við sjávarútvegsfyrir-
tæki.
„Við horfum björtum augum til
greinarinnar sem undirstöðuat-
vinnugreinar í landinu og erum
spennt fyrir þróun hennar á næstu
árum og áratugum. Við höfum
í gegnum árin stutt ötullega við
sjávarútveginn, þar með talin
fiskeldisfyrirtækin sem gegna æ
mikilvægara hlutverki, bæði fyrir
þau byggðarlög sem þau starfa í
en einnig fyrir íslenskt efnahags-
líf,“ segir Iða Brá Benediktsdóttir,
aðstoðarbankastjóri Arion banka.
Iða Brá er fædd og uppalin í
Vestmannaeyjum, er dóttir Bene-
dikts Ragnarssonar fyrrverandi
Sparisjóðsstjóra og Sigrúnar Þor-
láksdóttur. Það má segja að hún
sé nánast alin upp í banka en hún
byrjaði sem gjaldkeri í Sparisjóði
Vestmannaeyja í sumarvinnu með
Verslunarskólanum. Eftir útskrift
úr Háskóla Íslands hóf hún störf
hjá Kaupþingi, forvera Arion
banka, og hefur starfað þar æ síð-
an, að undanskildum þeim árum
sem hún var í meistaranámi í fjár-
málum í Hollandi. Iða hefur verið
framkvæmdastjóri í Arion banka
síðan 2016 en var ráðin aðstoðar-
bankastjóri í apríl 2022 og gegnir
einnig framkvæmdastjórastöðu á
viðskiptabankasviði bankans.
„Það er ánægjulegt að sjá
stækkandi hlutabréfamarkað
enda gegnir hann mikilvægu
hlutverki hér á landi að svo
mörgu leyti. Hann auðveldar til
dæmis kynslóðaskipti í eigenda-
hópi fyrirtækja. Með skráningu
Ísfélags á Aðalmarkaðinn er verið
að raungera verðmætasköpun
margra kynslóða sem byggt hafa
Vestmannaeyjar. Mér þótt mjög
ánægjulegt að fylgjast með Guð-
björgu Matthíasdóttur og hennar
fjölskyldu hringja inn bjöllunni í
hinu stórglæsilega skipi Sigurði
VE. Og það er sérstaklega gaman
fyrir Eyjakonuna að vera búin að
fá fyrirtæki úr Eyjum í Kauphöll-
ina. Nú geta Eyjamenn fjárfest í
félagi úr þeirra heimabyggð.“
„Ég vil óska ykkur til hamingju
með niðurstöðu í nýafstöðnu
hlutafjárútboði og líka umsjónar-
aðilum útboðsins, Arionbanka,
Íslandsbanka og Landsbankanum
fyrir sérlega glæsilega niður-
stöðu,“ sagði Magnús Harðarson,
forstjóri Nasdaq Iceland þegar
hann bauð Ísfélag hf. velkomið
í Kauphöllina í brú Sigurðar VE
fimmtudaginn sjöunda desember
sl.
Guðbjörg Matthíasdóttir sem
ásamt fjölskyldu er stærsti eigandi
Ísfélags hringdi félagið inn í
Kauphöllina á slaginu hálftíu með
sonarsonum sínum, Sigurði og
Magnúsi.
„Það er gaman að bjóða elsta
starfandi hlutafélag landsins
velkomið í Kauphöllina. Með
rúmlega 6000 hluthafa er Ísfélagið
sannkallað almenningshlutafélag.
Eru aðeins þrjú félög í Kauphöll-
inni sem skarta fleiri hluthöfum,“
sagði Magnús.
„Ísfélagið er líka meðal stærstu
fyrirtækja í Kauphöllinni. Á
útboðsverði er markaðsvirði fé-
lagsins hátt í 130 milljarðar og er
það sjöunda verðmætasta í Kaup-
höllinni. Með tilkomu Ísfélagsins
heldur endurkoma sjávarútvegs í
Kauphöllina áfram. Draumurinn
um sjávarútvegskauphöll lifir
góðu lífi. En hvernig stöndum við
miðað við fyrri tíma? Fjöldi sjáv-
arútvegsfyrirtækja í Kauphöllinni
náði hámarki árið 2000 þegar þau
voru hvorki fleiri né færri en 24,“
sagði Magnús.
Færri en stærri
„Tveimur árum síðar, sumarið
2002 flaggaði Kauphöllin því með
stolti að í alþjóðlegum saman-
burði voru hvergi í heiminum
fleiri fyrirtæki í sjávarútvegi og
fiskeldi skráð en á Íslandi. Þá voru
þau orðin 19 en samanburðurinn
sýndi einnig að markaðsvirði
þeirra var einungis hærra á jap-
anska hlutabréfamarkaðnum.“
Magnús sagðist ekki hafa samb-
ærilega samantekt undir höndum
nú og vissulega hefði fyrirtækjum
í sjávarútvegi og fiskeldi fækkað
á markaði frá aldamótin. „Þau eru
fimm ef við teljum með sölufyr-
irtæki í greininni. Fjöldinn segir
ekki alveg alla söguna því þau
hafa keypt og sameinast öðrum
sjávarútvegsfyrirtækjum í gegnum
tíðina og vaxið og dafnað. Eru
öll mjög myndarleg þannig að
með skráningu Ísfélagsins standa
þessi félög á bak við fimmtung af
markaðsvirði í Kauphöllinni. Það
merkilega er, að þetta er nákvæm-
lega sama hlutfall í heildarmark-
aðsvirði og var árið 2002.
Þannig að endurkoma sjávarút-
vegs í Kauphöllina er nú þegar
orðin kröftug. Vonir og væntingar
standa til frekari skráninga sjávar-
útvegsfyrirtækja,“ sagði Magnús
og vísaði til nýlegs frumvarps
sjávarútvegsráðherra til laga um
sjávarútveg. Þar er gert ráð fyrir
hvötum til skráningar með því
að mörk hámarksaflahlutdeildar í
skráðum félögum verði 15 prósent
en ekki 12 prósent eins og nú er.
„Ég fagna þessu mjög enda álít
ég að skráning í Kauphöllina með
dreifðu eignarhaldi og gegnsæi
sem því fylgir sé grundvallar-
forsenda fyrir sátt um sjávarút-
veg,“ sagði Magnús sem að lokum
þakkaði fyrir frábærar móttökur.
„Það er ánægjulegt að vera hérna
í brúnni á Sigurði í heimahöfn
og nú eigið þið aðra heimahöfn í
Kauphöllinni. Óska ég Ísfélaginu
áframhaldandi velgengni sem
Kauphallarfélags.“
Draumurinn um
sjávarútvegs­
kauphöll lifir
Iða Brá Eyjakona og aðstoðar­
bankastjóri Arion banka:
Geta fjárfest
í félagi
í heimabyggð
Iða Brá og Hreiðar Hermannsson frá Arion banka.
Magnús: „Með tilkomu Ísfélagsins heldur endurkoma sjávarútvegs
í Kauphöllina áfram.“