Goðasteinn - 01.09.1970, Side 81

má helzt enginn draga af sér né skcrast úr leik. Sérhver einstak-
lingur hjá okkur er óendanlega miklu meira virði en tíðkast hjá
milljónaþjóðunum. Það ber okkur að hafa í huga og halda vöku
okkar, svo að vel verði unnið og engir hlekkir bresti.
En til þess að fá sem allra flesta trausta og starfsama ein-
staklinga, þurfum við að eiga sterka og lifandi hugsjón til að lifa
og starfa fyrir. Enga hugsjón tel ég vænlegri til árangurs en þá að
rækta, fegra og bæta landið okkar. Á þeim vettvangi er starfið
rétt ihafið og veltur mikið á góðu áframhaldi. Skólar og heimili
geta unnið saman í því að bcina áhuga uppvaxandi æsku að þessu
verkefni. En mikilvægasta framlagið hlýtur þó að koma frá fé-
lagssamtökum æskumanna sjálfra. Ungmennafélagshreyfingin lyfti
fyrrum Grettistökum með því að vekja hjá landsmönnum áhuga
á þjóðlegri menningu, framförum, frelsi og sjálfstæði. Þessi hreyf-
ing er enn í fullu gildi sem lifandi og sterkur þáttur í þjóðlífi
okkar. Ungmennafélagsskapurinn hefur nú tekið landgræðslu upp
á ný sem eitt aðalverkefni sitt. Verkefnið er mikið, margþætt og
ótæmandi. Það er von mín að ungmennafélögin eigi fyrir sér að
eflast og dafna, því að engir aðilar í landinu munu svo færir sem
þau um að virkja orku æskunnar til þjóðhollra og heillaríkra
starfa í þágu landsins. Því ber að styrkja þessi samtök og treysta,
svo að þau megi alltaf verða þess umkomin að sameina krafta
hinna ungu til átaks, hvort sem það er til ræktunar landsins eða
hugarfarins.
Þenna stuðning við ungmcnnafélögin látum við bezt í té mcð
því að sem flestir temji sér það viðhorf að elska, byggja og
treysta á landið og fara vel með það á allan hátt. Við getum
lítið eitt og eitt. Við megum sízt við því að sundra kröftunum.
Því ber okkur að standa saman og starfa saman. Því aðeins ná-
um við árangri, að við beitum félagslegri hugsun, félagslegu starfi
og félagslegu átaki. Með þeim hætti náum við langt og getum
unnið stórvirki við ræktun lands og lýðs.
Ég árna ungmennafélagshrcyfingunni allra heilla sem og öllum
öðrum aðilum, er vilja vinna að verndun og fegrun föðurlands
okkar. Verkefnið er mikið og fjölþætt, fjallið er hátt, sem klífa
þarf, en haldið ótrauð áfram, því að þið eruð á réttri leið.
Goðasteinn
79