Goðasteinn - 01.09.1972, Blaðsíða 26

hafi verið talið hæfa að byrja morgunmjaltir. Sé þetta rétt,
hefur verið nefnt „að áverka“ starfið við búverkin svo sem
mjaltir og ef til vill fleira, en nokkur tími er síðan það hefur
horfið úr daglegu máli í Mýrdal.
Austur við Heiðargilsá, suðaustur af Skjólkambi, er ból, sem
geymir allmikil handaverk manna. Það heitir Kárasel. Þar suður
af er Káramýri og Kárhólmi, þar sem um tíma var bær. Austan
við Kerlingardalsá þar til suðausturs eru Káraflatir. Allt á þetta
eftir munnmælum að draga nafn af því, er sagt er frá í Njáls-
sögu, að Kári barðist við brennumenn austan við ána.
í Káraseli er talið, að hafi verið haft í seli frá Litlu-Heiði.
Móta sér fyrir því, er gætu hafa verið kvíar, skammt frá bólinu.
Þá kemur að seljum þeim, er sr. Jón getur um í Vatnsárdalnum
sunnan við Vatnsá. Ekki er á hreinu, hvort þar hafa verið sel
frá fleiri bæjum en Reyni, en trúlegt er, að það hafi verið.
Sunnan og austan við Heiðarvatn er töluvert grösugt undir-
lendi, sem Stóruhvammar heitir. Þar rennur lækur í vatnið, sem
nefndur er Seljalækur. Við hann eru húsarústir, er nefnast Dag-
málasel. Það munu sel þau, er sr. Jón telur austan við Heiðar-
vatn og 1840 eru notuð frá bæjunum Hellum, Rcynisholti og
Reynishjáleigu. Sennilega hafa verið sel þarna frá fleiri bæjum,
meðan selför var frá hverjum bæ. Skammt frá þessum rústum er
bólgapi, sem ýmist hefur verið kallaður Selból eða Dagmálasel
eins og rústirnar. Sumir vilja segja, að nafn seljanna sé tilkomið
fyrir þá sök, að þá sé dagmál á Litlu-Heiði, er sól bar þar yfir,
en mér virðist nær vegi, að það hafi verið frá sjálfu prestssetrinu
á Stóru-Heiði.
Mikið hlýtur það að hafa verið til óhagræðis hversu mikið mýbit
er oft í nánd við Heiðarvatn, og mætti vel halda að það hefði
að nokkru valdið því, að selin í Vatnsársundum fengu beit fyrir
búsmalann annað málið í Heiðarlandi.
Norður með Fossgili vestanverðu, sem næst mitt á milli Foss-
bæja og þjóðvegar eru fornlegar mannvirkjaleifar, sem nefndar
eru Fosssel, en skammt hafa þau verið frá bæjum og þröngt um
haga, og er ekki óiíklegt, að í sambandi við selveruna hafi
komist á þau ítakaskipti, að Foss hafði sumarbeitarleyfi fyrir
24
Goðasteinn