Goðasteinn - 01.09.1972, Blaðsíða 42

í Landeyjum. Byrjuðu þau búskap í Miðkoti í Fljótshlíð, æsku-
heimili Guðleifar, fluttu þaðan að Dalskoti, þar sem þau bjuggu
til 1923. Síðast bjuggu þau í Stóru-Mörk. Andaðist Sveinn þar
árið 1930.
Á vesturjörðinni í Neðra-Dal bjuggu foreldrar mínir allan sinn
búskap. Hjá þeim var í heimili Vigdís föðursystir mín, er segja
mátti, að væri mín önnur móðir. Sama máli gegndi um systkini
mín, Auðbjörgu og Jón, en um Guðbjörgu og Ingvar lét hún sig
minna varða. Vigdís lézt 1888 og skipti eða ráðstafaði öllum eig-
um sínum fyrir andlátið í viðurvist Sighvarts Árnasonar í Eyvind-
holti og konu hans, Önnu Þorvarðardóttur, er var mikil vinkona
hennar. Vigdís gaf Önnu vandað herðasjal og fleiri hluti, Auð-
björgu systur minni skautbúning sinn og öll sín beztu föt, fata-
kistu, treflaöskjur og marga aðra eigulega rnuni, ennfremur nokkr-
ar sauðkindur. Hún átti alltaf milli 10 og 20 kindur, úrvals fé
Skautbúninginn hafði frú Hólmfríður Björnsdóttir prests í Holti
gefið Vigdísi ásamt ýmsu öðru, svo sem Biblíu. Vigdís sendi henm
oft kind að haustlagi eða annað, scm kom sér vel. Þær héldu
vináttu til dauðadags, og sama vinfengi átti Vigdís að fagna við
systur Hólmfríðar, Kristínu á Yzta-Skála og Halldóru í Indriða-
koti. Hólmfríður var gift Ólafi Rósenkranz leikfimikennara í
Reykjavík.
Mér gaf Vigdís fatakistu og ýmsa aðra góða hluti, auk þess
tvær ær, er urðu mér hinar mestu happaskepnur. Svipaða gjöf
fékk Jón bróðir minn en Ingvar og Guðbjörg báru minnstan hlut
frá borði. Vigdís mundi eftir hverju tangri og tetri er hún átti,
að undanskildum tveimur teskeiðum úr silfri. I Neðra-Dalnum
átti hún eitt hundrað, er hún ánafnaði föður mínum fyrir umstang
við útför hennar. Hún átti einn hest 18 vetra, gæðing mikinn.
Hann var lítið notaður og alls ekki lúinn, því fáir fengu að
koma á bak honum nema eigandinn, móðir mín endrum og eins
og svo við eldri systkinin. Nú átti hann að deyja með henni.
Guðjón Sigurðsson frá Hvammi átti að fara með hann út á
Eyrarbakka og sækja um leið í erfisdrykkjuna að fyrirlagi Vig-
dísar. Mikið sá ég eftir Sokka og óskaði heitt, að ég gæti eignast
hann, en ég var auralaus og ekki kom heldur til mála að breyta
40
Goðasteinn