Goðasteinn - 01.09.1972, Qupperneq 57

við Álana, milli Eyjafjalla og Austur-Landeyja og svo um hreppa-
mörkin milli Austur- og Vcstur-Eyjafjalla. Ég átti að sjá um
vörzlu að vestan en Einar Sigurðsson í Varmahlíð og Magnús
Tómasson í Steinum að austan. Þarna skali hurð nærri hælum, því
daginn, sem samgöngubannið var sett á, kom póstur utan frá
Odda og fékk leyfi hjá heilbrigðisstjórninni til að fara heim til sín
austur undir Austurfjöll. Gísli Sveinsson sýslumaður hafði þá
haft í gegn samgöngubann fyrir Skaftafellssýslu. Pósturinn var
svo óheppinn að hitta sauðamann frá Teigi í Fljótshlíð, sem
búinn var að taka veikina. Sama kvöldið, að mig minnir, smitaði
hann fólk undir Austurfjöllum. Hann kom við á Seljalandi, í
Hvammi og Holti undir Otfjöllum en smitaði engan þar. Hér
í hreppi veiktist enginn af þessari drepsótt.
Ymislegt þurfti að komast yfir sóttvarnarlínuna, svo sem fén-
aður og vörur ti) margra heimila, einkum þeirra, sem veikin hafði
náð tökum á. Símasamband var við Miðey, svo þaðan var hægt
að panta vörur frá verzlun minni. Ég flutti þær út yfir Ála, fór
stundum 2-3 ferðir á dag í þeim erindum. Samgöngubannið stóð
fram í febrúar og bar fullan árangur. Var ég mjög ánægður yfir,
að svo vel skyldi heppnast að verjast þessum vágesti.
Ég hef jafnan einsett mér að gefast ekki upp né hopa, þótt
ckki blási byrlega, þegar ferðin er hafin. Heilög skylda hvers
hugsandi manns er að berjast fyrir góðum málstað í sína þágu
og annarra.
í elli minni hef ég borið gæfu til að koma góðu máli af stað.
Árið 1934 lamaðist ég á heilsu og hef ekki verið vinnufær síðan
að heitið geti. Ég átti ágætan sjónauka, sem kom í góðar þarfir,
er högum mínum var svo komið. Beindi ég honum nú á allar
áttir, austur á Eyjafjöllin, á blessað Seljalandið mitt, sem ég
batt ungur ást við, svo var kíkt út í Vestmannaeyjar, út í Land-
cyjar, sem oft voru með fögrum hillingum, upp í Fljótshlíð, alls-
staðar var eitthvað fagurt og skemmtilegt að sjá. Um þetta leyti
höfðu fjögur myndarleg íbúðarhús risið upp úti í Voðmúlastaða-
hverfi, sem við blöstu, er þangað var litið. Kom mér þá í hug,
að þarna væri skarð fyrir skildi, kirkjan var horfin. í henni höfð-
um við hjónin verið gefin saman í október 1902 af sr. Magnúsi
Gudaste'uw
55