Goðasteinn - 01.09.1972, Page 67

Þórður Tómasson:
Skyggnzt um
bekki í
byggðasafni XXII
Trafalár Margrétar
Lárar hafa verið mér ævintýrahlutir síðan móðir mín sagði mér
ungum frá lárunum, sem Einar og Hallgrímur, bræður maddömu
Solveigar í Holti undir Eyjafjöllum, voru að skera út norður í
Botni á Flateyjardal um 1835. Báðir ortu vísur um lárana sína
í smíðum. Vísa Einars fæst ekki heil:
skerðir gerða svinni
flúraðan, sáran, lúraðan lár
læsti í kistu sinni.
Vísa Hallgríms hefur geymzt:
Freyju tárum faldaði
fegurð klárri búna,
Hallgríms lárinn ljómandi
liggur í sárum núna.
Lárar voru ekki á hverju strái á æskuárum mínum, helzt að
einn og einn skrautlaus lyppulár lægi í lamasessi í geymslum, í
og með fyrir þá sök, að það boðaði eiganda ógæfu að lappa upp
á bilaðan lár. Gamall var ég þó ekki, þegar fyrsti útskorni trafa-
lárinn varð á vegi mínum.
Goðasteinn
65